JIRA

Bilaketak

Angel Erro

2017ko maiatzak 20
Ditudan mania guztien artean gaur bi nabarmenduko ditut. Ez ohi dut onartu solas batean ezer dudatan gelditzea. Zalantzaren bat sortu bada norbaitek aipatutako gai baten inguruan, nire tarifa telefonikoaren kalterako, laster abiatzen naiz guztia argituko duen datuaren bila. Aktoreren batek bizirik jarraitzen duen, herrialde baten hiriburua, zenbat kilometro dauden bi tokiren artean, idazle batek zein urtetan eskuratu duen Euskadi Saria, zein izan zen Ardanzaren lehen gobernuaren Barne sailburua, opera baten estreinaldi urtea, Gran Hermanoko hirugarren denboraldiko irabazlea. Berez jakitun naiz jakiteko antsia ez dela parte onekoa, dudak buruari ekartzen dizkion onura orokorrez etekin subkontzientea ateratzeko tarterik ez baitio uzten.

Bigarren mania, hemen aitortuko ditudanetatik, neure buruari tarteka paranoiko jartzea ahalbidetzea da. Lehen aipatu bilaketa horietan maiz, Interneteko bilatzailean lehen letra edo bizpahiru letra jartzerako, proposatzen zaidan bilaketa da ni bilatzen ari naizena, ez dakidalarik lehenagoko beste bilaketek iradokitako kezken eremua edo sakelakoaren aurrean hitz egindakoa ote den kausa, edo are pentsamendua leitzen ote didan Googlek. Dudatik ateratzeko, tekleatzen hasi naiz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna