Herritar guztien aukera guztiak ahalbidetzea baztertzailetzat jotzen den erkidego batekoa naiz, non hizkuntza bakarra baino gehiago jakiteak susmagarriago eta sasikoago egiten baitzaitu, zenbaiten ustez. Badirudi Nafarroako Hezkuntza sailak deituko dituen hurrengo oposizioetan bateraezintasun bitxi, gotortu eta bidegabe bat zuzenduko dutela. Hots, herritar elebidunek ezagutzen dituzten bi hizkuntzetako batean zein bestean (bata ala bestea aukeratu behar izan gabe) eskola ematea aukeratzeko beharra kenduko zaiela irakaslegaiei. Orain arte ez badu gobernu berriak egin, susma dezakegu gainera etorriko zaien erauntsia ekiditeagatik izan dela, hain dugu nafar susmagarriok diskurtso hegemonikoa barneratua, askotan nola erantzun ez dakigula.
Funtsean orain arte indarrean egon den zerrenda bikotzeko politikaren atzean gordetzen dena, gutxiengo konplexuaz gain, sektarismo aprioristiko ikaragarria da. Euskalduna den historia edo matematika irakaslea erdal ikasleei erakutsiko dienaren izuz bizi izan dira, ez hainbeste irakasgaiaren edukiari nola gizartearen pluraltasunari dagokionez; euskaldun ikasi bat gertutik ikusita basatiekiko horma, Game of Thrones telesailaren parekoa (spoiler alert), urtzearen izuz.
JIRA
Horma
Iruzkinak
Ez dago iruzkinik
Ordenatu