Albistea entzun

JIRA

Pianista

Angel Erro -

2018ko martxoak 8

Nina Simonek ezin konta ahala aldiz aitortu zuen munduko lehen piano kontzertista klasikoa izan nahi zuela. Bach, Debussy, Brahms jotzen ikasi zuen pianoan, lau urte zituenetik. Gogor ahalegindu ondoren, Philadelphiako kontserbatoriorako proba ez gainditu eta sei hilabetera, berak kontatzen duenez, ohartzen hasi zen bere larruaren koloreagatik baztertu zutela. Hamabi urte geroago, emanaldia egin zuen Carnegie Hallen, txikitatik amestu bezala, baina, bere arrangurarako, abestu ere beharrez eta ez Bach jotzen. 1999an, BBCrako Tim Sebastianek egindako elkarrizketan (36 urte igaro dira kontzertu hartatik), kazetariari agur egiten dio «thank you, Tim Sebastian; you have the same name as Bach, my first love».

Aipatu une horien artean giza eskubideen aldeko borroka politikoa, tratu txarrak eta osasun arazoak, bizitzaren erauntsia, sartu dira. Kantu zoragarriak, arrakasta eta erreka jotzea.

1982an Iruñeko gotorlekuan kontzertu penagarri bezain gogoangarria eman zuen. Orduko kronikek diote pianoaren aurrean eserarazi behar izan zutela hiru aldiz, balantzaka zebilela, ingeles ulertezinean mintzo zela, publikoari irainka. Esandakoen artean, prentsak jasotzen duenez, bera kantaria ez zela, pianista hutsa baizik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.