JIRA

Negarren kontra

Angel Erro -

2018ko apirilak 15
Ez naiz oso negartia. Erreparatu diot film txarrekin (hots, sentimenduak ongi manipulatzen dakizkitenekin) baino ez dudala negarrik egiten. Errealitatean nekeago zait, zorigaitzetan ez baitago sokako musika egokirik edo crescendo melodramatikorik. Errealitatean zoritxarra nahasiegia dator, kontrako norabidean erakarri nahi zaituzten estimuluez inguratuta.

Horretaz gain, hunkitzea goratzen duen gizarte batean bizi gara, zintzotasunaren frogagarria balitz bezala. Piranesi saria eman berri diote Alberto Campo Baeza arkitektoari. Horren aitzakian egin elkarrizketa batean dio Erromako Panteoian negar egitea (malkoetaraino hunkitzea) beharrezkoa dela. Bere ikasleak Erromara bidaltzen omen ditu baldintza bakar batekin. Postal bat bidali diezaiotela bertatik «bai» ala «ez» hitz soilekin. Alegia, Panteoian bai egin duten negar ala ez duten negarrik egin. Pentsatzekoa da erantzunetako bakarrak erraztuko duela irakasgaia gainditzea. Susmatzekoa ere bada ikasleren batek benetan negar egiten badu, sugestiopean eginen zuela. Egonen da negar egin bai, baina ezetz idatzi dionik?

Gero eta gehiago aditzen diot jendeari honekin edo harekin negar egin duela. Gure buruari galdetzen hasi behar dugu saria zein den.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna