JIRA

Gizaki libreak

Angel Erro -

2018ko apirilak 8
Irakurle guztiek Perez Hilton nor den ezagutuko duzuenez ez naiz azalpenetan luzatuko. Egunotan berripaperetara itzuli da, honako goiburuak eraginda: «Perez Hilton, semea gay izatea nahi ez duen gaya». Ematen du zertan hausnartu. Salaketa izan zitekeen (baina, spoiler, tipoa ergel hutsa da). Berak sufritutakoa, gizarteak berari pasarazitakoa, seme-alabentzat nahi ez izateak logikoa irudi lezake. Normalizazio bidean oraindik egiteko asko dagoela onartzeko modua ere izan zitekeen. Dirudun familia txuri mendebaldar batean sufrikarioa baldin bada, pentsa zer izanen da munduaren zati handiarentzat.

Dena den, niri mingarria zait gay batek horrelakorik esatea. Nortasun sexualaren harrotasunak kontrakoa zuritu balezake ere, semea homosexuala izateko desira ere ez litzateke dotoreegia. Seme-alaben garapen askeak, presiorik gabeak, behar du edozein gurasoren bide orria.

Egunotan Frantzian zabaldu dira gurasoek La manif pour tous homofobora joanarazitako nerabe gay baten adierazpenak, «umeen onbeharrez» deitutako manifestazioak zenbat kalte eragin zion umetan.

Ez bakarrik sexualtasunari dagokionez, kontu guztietan saiatu beharko genuke haurrak eta nerabeak gizaki libre eta ezezaguntzat tratatzen, inora bideratu gabe.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna