JIRA

Berezko ahotsa

Angel Erro -

2018ko ekainak 17

Berezko eta naturaltzat hartzen ditugun zenbat gauza ez ote diren uste baino askoz gehiagotan kanpoko eragileek, gizarteko arau idatzi gabeek, baldintzatuak. Haietako bat ahoskera izan daiteke. Hitz eta hizkera kontuetan dudan jakin-minak bultzatuta, erreparatua nion hizkuntza batetik bestera aldatzean jendeak ahots tinbrea aldatu ohi duela.

Malagako lagun madrildartu bati ere behin galdetu nion ea ez zitzaion iruditzen gizon andaluziar (prototipiko) askok bazutela oso ahots zolia, Zortzi euskal abizen filmeko senargaiaren bi adiskideen tankerakoa.

Lagunak ez zuen uste, eta adibideak emanda ere ez zuen ikusten. Bestetik, egiaztatu dut armairutik ateratzean gizon askok ahotsa loditzeari uzten diotela, pixkanaka. Halere, joera nagusia dugu ahotsa oso ezaugarri berezko eta naturaltzat hartzekoa.

Zenbait ikerketaren arabera, azken belaunaldian emakumeen ahots tinbrea sakonago bilakatu da, amek eta amonek zutenaren aldean, gizartean eta lanean hartzen joan diren kokapen berriari zor. Frekuentzia nagusia 23 hertzio jaitsi omen da. Bestelako jokaerei erreparatu genien: janzkerari, gorputz komunikazioari... Begirune pertsonal eta profesionala lortzearen morrontza horraino ere iristea ez nuen inoiz irudikatu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna