Literaturia. Liburu aurkezpenak

Xabier Soubelet: «Somaliarra banintz, pirata izango nintzateke»

'Iza ote iza?' liburuan, «Euskal Herriko egoerak sorrarazitako amorruak» eragindako poemak bildu ditu

I. B. -

2011ko ekainak 5
Zenbait gertaerarengatik sentituriko oihu egiteko gogoak bultzatuta idatzi ditu Xabier Soubelet Xubiltz-ek (Ziburu, Lapurdi, 1953) Iza ote iza? liburuko poema gehienak; «epeltasunik gabe eta munduari probokaziozko mezua bidaliz», Maiatz argitaletxeko Luzien Etxezarreta editorearen esanetan. «Euskal Herriko egoerak amorrua sorrarazten» diola aitortu du Soubeletek, eta horren ondorio direla olerki asko. Halaber, «Oteizak azken urteetan erakutsitako haserre eta hitz egiteko modua» bere egin dituela dio, eredu hartu. Hortik dator Iza ote iza? izena. Eta eredu horri segitzen diote liburuko hainbat piezak. Politika dute mintzagai, euskara ere bai tartean. Espainiako kostara heltzen diren etorkinen azalean jarri da idazlea. Baita Somaliako piraten tokian ere. Argi dauka: «Somaliarra banintz, pirata izango nintzateke». Mendebaldeko herriak Afrikan lapurretan mendeak daramatzatela uste du.

'IZA OTE IZA?'

Egilea: Xabier Soubelet.

Argitaratzailea: Maiatz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna