Albistea entzun

Ezer ez duenari ordainarazi

Danimarkako Parlamentuak onartu egin du iheslariei ondasunak konfiskatzeko legea.

1.340 eurotik gorako jabetzak kendu ahalko dizkiete.

Senideekin elkartzeko baimena hiru urtera luzatu dute
Iheslari batzuk Danimarkako Thisted hiriko kanpalekuan, orain bi aste.
Iheslari batzuk Danimarkako Thisted hiriko kanpalekuan, orain bi aste. SARA GANGSTED / EFE Tamaina handiagoan ikusi

Adrian Garcia -

2016ko urtarrilak 27

Tradizionalki asilo eskatzaileen eskubideak errespetatu dituen lurraldea izan da Europa iparraldea. Baina eskuin muturrak gora egin ahala, joera hori desagertu egin da. Danimarkak atea kolpez itxi die errefuxiatuei, haien eskubideak murrizten dituen lege batonartuta. Parlamentuak atzo onartu zuen iheslariei ondasunak konfiskatzeko eta familiarekin elkartzeko baimena luzatzeko legea. Aginteko Alderdi Liberalak zentro-eskuineko blokeko hiru aliatuen babesa jaso zuen —eskuin muturra barne—. Oposizioko Alderdi Sozialdemokratak ere neurria defendatu du. Aldeko 81 botorekin eta kontrako 27rekin onartu dute lege murriztailea.

Gerra eta hondamenetik ihesi jabetza ia guztiak galdu dituztenak estutuko ditu Danimarkako Gobernuak. Bitxien legea gisa izendatu dute neurria. 10.000 koroa danimarkarretik —1.340 eurotik— gorako ondasunak eta dirua konfiskatzeko ahala ematen die agintariei. Hasieran proposatutako langa 3.000 koroa danimarkar zen (402 euro). Halere, «balio sentimental bereziko» objektuak salbuetsita egongo dira; ezkontza eraztunak, esaterako.

Zalaparta franko eragin du neurriak, bai Danimarkan eta bai nazioartean. Giza eskubideen aldeko erakundeek gizagabetzat jo dute. Bada Alemania naziaren garaian juduen jabetzak konfiskatzeko neurriekin alderatu duenik ere.

Baina, errefuxiatuen eskubideen alde lan egiten duten eragileentzat, familiarekin biltzeko baimenaren atzerapena da kezkagarriena. Orain arte, urtebeteren buruan, asilo eskatzailearen familia herrialdera irits zitekeen. Hiru urtera atzeratu dute epea.

UNHCR Iheslarientzako Nazio Batuen Goi Mandatariak salatu du legeak Giza Eskubideen Europako Hitzarmena, Haurren Eskubideen Hitzarmena eta NBEren Errefuxiatuen Hitzarmena urratzen dituela. «Izugarri sufritu duen jendea da, eta gerratik ihesi ehunka milaka kilometro egin dituzte Mediterraneoa gurutzatzeko. Errespetuz tratatu beharko lituzkete», esan du Stephane Dujarric NBEko bozeramaileak.

Amnesty Internationalek salatu duenez, «ezinezko hautua» egitera behartuak daude iheslariak. Haurrak eta gertuko senitartekoak «bidaia arriskutsu eta hilgarrietan» eramatera, edo gerra eremuan «luzaroko banaketa» sufritzera.

Gastuaren aitzakia

«Ez genukeen inoiz nazioarteko hitzarmenen aurkako legerik proposatuko», defendatu du Inger Stojberg Integrazio ministroak. Ezkerreko alderdiak kritikatu ditu gobernuak, nazioartean Danimarkaren izena zikintzeagatik. «Gobernuak ez dizkie bitxiak kenduko», adierazi du Alderdi Liberaleko Jacob Ellemann-Jensenek.

Arrazoi bikoitza erabili du gobernuak legearen alde. Batetik, asilo eskatzaileen eta herritarren baldintzak berdintzeko beharra nabarmendu du. Diru laguntza publikoak jasotzeko, herritarrek ondasunak saldu behar dituzte lehenago. Bestetik, errefuxiatuek eragindako gastuari aurre egiteko neurritzat jo du. NDF Nazioarteko Diru Funtsaren arabera, BPGaren %0,47ko gastua izan zuen krisiak herrialdean iaz.

Edonola ere, Danimarkako ordezkariek beraiek aitortu dute soilik gastuaren zati txiki bat ordaindu ahalko dutela neurri horrekin. Izan ere, Europa iparraldera iristerako, dirutza ordaindu behar izan diete giza trafikatzaileei mugak igarotzeko.

Europako Batzordeak adierazi duenez, ondasunen konfiskatzea nazioarteko legearen araberakoa da «beharrezkoa eta proportzionala» denean. Stephen Ryan batzordeko Barne Saileko arduradunak esan du oraindik ez dutela legea «xehetasunez» aztertu. Halere, ohartarazi du Danimarkak errespetatu egin behar dituela nazioarteko giza eskubideen hitzarmenak, Europako asilo legeetatik salbuetsita egon arren. Suitzak eta Alemaniako Baviera eta Baden-Wurttemberg landerrek ere iheslariei dirua konfiskatzen diete.

Eskandinaviar penintsulako hiru herrialdek ezarri dituzte kontrolak mugetan, errefuxiatuei sarrera oztopatzeko: Danimarkak, Suediak eta Norvegiak. Gizartean eztabaida sutsua eragin du iheslarien aferak, eta eskuin muturrak politikoki baliatu du gora egiteko. Danimarkan 21.000 lagunek eskatu zuten asiloa iaz; Norvegian 31.000 izan ziren; Suediak jaso zuen gehien: 163.000.

Hain zuzen, Suedian are gehiago gaiztotu da eztabaida, herenegun gauean errefuxiatu adingabe batek ustez zentro bateko langile bati labana sartu eta hil eta gero. TT agentziaren arabera, 15 urteko gaztetxo bat atxilotu du Poliziak. Stefan Lofven lehen ministroak polizia baliabide gehiago agindu ditu krisiari aurre egiteko. Haatik, inkestetan hondoa jo du haren alderdi sozialdemokratak, errefuxiatuen krisiak eraginda bereziki.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio
Turkiaren erasoaren aurkako manifestazio bat, azaroaren 20an, Qamixlin. ©EFE

SDFek jakinarazi dute eten egin dituztela AEBekin egiten ari ziren operazioak

Igor Susaeta

Milizia kurduak indar nagusitzat dituen eta Pentagonoaren babesa duen koalizioa ohartarazten ari zen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.