Albistea entzun

Iruñeko taldeko sexu erasoa

Sumindura, kaletik atera gabe

Mugimendu feministak manifestazio nazionalera deitu du gaurko, Iruñean; justizia jauregitik hasiko da. Nafarroako Gobernuak bat egin du «herritarren haserrearekin»
Atzo goizean egin zuen agerraldia Iruñerriko mugimendu feministak, epaiaren inguruko iritzia eman eta manifestazioa iragartzeko.
Atzo goizean egin zuen agerraldia Iruñerriko mugimendu feministak, epaiaren inguruko iritzia eman eta manifestazioa iragartzeko. IÑIGO URIZ / FOKU Tamaina handiagoan ikusi

Jon Ander De la Hoz -

2018ko apirilak 28

Sanferminetako sexu erasoaren epaia salatzeko protestek ez dute etenik. Ostegunean, epaia jakin zenean, desadostasuna adierazteko protestak egin zituzten Euskal Herriko hainbat herritan. Atzo ere dozenaka protesta egin zituzten. Gaur, manifestazio nazionala egingo dute Iruñean, Iruñerriko mugimendu feministak deituta. 12:30ean hasiko da protesta, justizia jauregiaren paretik.

Manifestazioaren deitzaileen izenean, Maddi Lasa Garciak adierazi du emakumeen bizia arriskuan jartzen dutela gisa horretako sententziek: «Epaiak aditzera eman du indarkeria edo larderia egoteko emakumeok aktiboki egin behar dugula kontra». Mugimendu feministak dio erresistentzia aktiboa exijituta «biolentoagoak» izango direla emakumeen aurkako erasoak. Halaber, deitzaileek azaldu dute kutxa automatiko batean lapurreta jasaten duenari ez zaiola eskatzen erresistentzia aktiborik, baina onartzen zaiola haren aurka indarkeria eta larderia erabili dela: «Justizia heteropatriarkalak gehiago babesten du jabetza pribatua, emakumeen eskubideak eta gorputzak baino».

Iruñeko erasoa salbuespena balitz bezala jokatzen dela argudiatu dute deitzaileek; alabaina, zehaztu dute ez dela gertakari bakana, eta eraso gehienak ez direla salatzen: «Ez da sentsibilitate faltagatik edo erasoa aitortzeko beldurragatik, emakume gehienok prozedura judizial bati aurre egiteak dakarrenaren jakitun garelako baizik». Hala, manifestazioaren deitzaileek «ageriko inpunitatea» salatu dute, eta adierazi dute erasoen aurkako gaitzespen soziala lortu den gisan beharrezkoa dela epaitegiek ere «arbuio hori argi uztea».

Azaldu dute ezinezkoa dela «lege matxista eta atzerakoiak betetzen dituen justizia heteropatriarkalak» justizia eta erreparazioa eskaintzea. Halaber, adierazi dute «sistema heteropatriarkalak» emakumeen aurkako indarkeria sortu eta iraunarazten duela.

Larderia eza, «ulertezina»

Nafarroako Gobernuak jakinarazi du helegitea aurkeztuko diotela sexu erasoaren epaiari. Atzo goizean baieztatu zuten Maria Solanak eta Ana Ollo kontseilariek, epaia baloratzeko eginiko agerraldian. Solanaren arabera, kontraesanak ditu epaiak, eta badaude erasoa bortxaketa izan zela erakusteko adina froga: «Epaiketa nola joan den eta zer jaso den ikusita, ikus dezakegu 2016ko sanferminetan gertatutakoa bortxaketa izan zela».

Solanaren esanetan, esperotako epaia nabarmen beheratu du auzitegiak: «Nafarroako Gobernuak sexu erasoa zela ulertuta hartu du parte epaiketan, eta instrukzio epailea, fiskaltza eta akusazioa bat etorri dira analisi horretan».

Ollok, berriz, azpimarratu du gobernuak bat egiten duela «herritarrek erakutsitako haserrearekin». Ikuspuntua aldatzeko beharra azpimarratu du Herritarrekiko Harremanetarako kontseilariak: «Genero desorekaren adibidea da fokua erasotzaileen jarreran jarri beharrean emakumearen erantzunean jartzea». Olloren esanetan, gobernuak «ez du ulertzen» bost gizonezkok gune itxi batean egindako erasoak nolatan ez duen larderiarik. «Posible al da eraso bat larderiarik gabe egitea?», gaineratu du Solanak.

Nafarroako Parlamentuak aho batez babestu du Nafarroako Gobernuak helegitea jartzea. Adierazpen instituzional bat onartu zuten atzo, alderdi guztien babesarekin: «Errespeturik handienarekin bada ere, epaiarekiko desadostasunik handiena adierazi nahi du».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Turista talde bat, Donostian. ©GORKA RUBIO / FOKU

Eremu gorritik kanpoko bederatzi herri handik gainditu dute 400eko langa, Donostia barne

Berria

Gipuzkoako zortzi herri handi sartu dira eremu gorriko datuetan: Donostia, Azpeitia, Deba, Eibar, Hernani, Mutriku, Urnieta eta Zumaia; herrialdeko beste herri handi gehienak iristeko atarian daude. Laudiok ere gainditu du tasa.

Birusa detektatzeko baheketa Agurainen (Araba), artxiboko irudi batean. ©Raul Bogajo, FOKU

Beste 1.119 kasu positibo zenbatu dituzte Hego Euskal Herrian

Uxue Rey Gorraiz

Hirugarren egunez jarraian, egun bakarrean detektatutako positibo kopuruak mila kasuren langa gainditu du Hegoaldean. Birusaren agerraldi bat atzeman dute Bilboko zahar etxe batean; sei egoiliar kutsatu dira.

Mendigoizale bat Gorbeia mendia igotzen, Bizkaiko aldetik. ©Juanan Ruiz/FOKU

Eremu gorriko herrietan sartu eta irtetea galaraziko zaie mendizale federatuei ere

Maria Ortega Zubiate

Eusko Jaurlaritzak federatutako kirolarientzako arauak aldatu ditu, eta lehian ari ez diren kirolariak ezingo dira eremu gorritik atera edo bertara sartu.

Ertzainak itxiera perimetrala kontrolatzen, Gasteizen. ©ENDIKA PORTILLO / FOKU

Alarma egoeraren osteko eskumenen harira, zalantza ugari daude oraindik

Uxue Rey Gorraiz - Maria Ortega Zubiate - Edurne Begiristain

Txosten juridiko bat eskatu du EH Bilduk. Urkulluk berretsi du alarma egoera luzatzeko nahia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna