«Euskal Preso Politikoen Kolektiboak egin bezala, Euskal Iheslarien Politikoen Kolektiboa ere ari da bere ekarpena egiten, konponbiderako prozesu demokratikoak aurrera egin dezan». Hala esan zuen atzo Sortuko bozeramaile Pernando Barrenak, eta urrats garrantzitsutzat jo zuen «mundu osoan zehar barreiatuta eta hainbat egoeratan dauden iheslariek» hamalau lagunez osatutako mintzaidetza aurkeztu izana. Preso eta iheslarien itzuleran ados jartzeko beharra agertzen da Aieten aurkeztutako gomendioetan, eta bide horretan, «iheslariak etxeratzeko garaia» heldu dela esan zuen Barrenak: «Arrazoi politikoak medio alde egin zutenek itzultzeko eskubide osoa izan behar dute».
Iheslarien ekarpena txalotzearekin batera, Espainiako Estatuaren «jarrera suntsitzailea» kritikatu zuen Sortuko bozeramaileak, etengabe «bakearen eta konponbidearen aurkako erasoak» egiten ari direlako: «Etsipena eta ezintasun giroa zabaldu nahi dute gure herrian». Azkenik, Barrenak dei egin zien herritarrei gaur Herria dugu arnas lelopean Miarritzen antolatu dituzten ekitaldietan parte hartzera, «euskal herritar guztiek dutelako Euskal Herrian aske bizitzeko eskubidea».
Sortuk Miarritzera deitu du, «badelako garaia iheslariak etxeratzeko»
Urrats garrantzitsutzat jo du Barrenak EIPK-k mintzaidetza aurkeztuz konponbidearekiko agertu konpromisoa
Iruzkinak
Ez dago iruzkinik
Ordenatu