Balkanetako folk elektronikoa

Ryan Francesconi musikari kaliforniarra Azkoitian izango da gaur, Bulgariako erritmoak hurbilduz
Ryan Francesconi musikari kaliforniarra Azkoitian izango da gaur.
Ryan Francesconi musikari kaliforniarra Azkoitian izango da gaur. BERRIA

Ainhoa Arano -

2011ko abenduak 6
Tanbura, buzuki, kabal eta gitarra dira Ryan Francesconi (Kalifornia, AEB 1974) musikariak jotzen dituen instrumentuetako batzuk. 2011ko biraren barnean Azkoitian egingo du geldialdia gaur, Daniel Romero (Espainia, 1978) asturiarraren albotik.

Balkanetako doinuetaz maitemindu zen Francesconi, eta hango erritmoak izan ditu ardatz bere lanetan. Grezia eta Bulgariako instrumentuak erabiltzen ditu, eta, Bulgariako musika herrikoia oinarritzat harturik, doinu berritzaileak sortzen saiatzen da. Folk eta elektronikaren arteko bidegurutzean, ehundura ugariz jositako musika barrokoa sortzen du. Francesconik parte hartu du Joanna Newsom (Kalifornia, AEB, 1982) folk musikari estatubatuarraren azkeneko lanean, Have One on Me eta oso kritika onak izan ditu munduko hainbat hedabideetan. Francesconik Chicago Symphony orkestra ere zuzendu izan du. Instrumentuetarako abileziaz gain, programatzaile lanetan ere trebea da. Musika esperimentalerako software baten diseinatzailea da, Spongefork izenekoa. Eskaintza berezia da, halaber, Dot Tape Dot izenaren azpian gordetzen den Daniel Romero musikariak dakarrena, musika elektronikoa eta folkaren arteko fusioa oinarri. Esperimentazioa du bere pasioa, jostailu,ordenagailu eta ingurunearekin doinuak sortzea.

RYAN FRANCESCONI ETA DOT TAPE DOT

Noiz. Gaur, 22:30ean.

Non. Azkoitiko Matadeixen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna