Albistea entzun

Espetxeen zentzugabekeria

Juanmi Gutierrez zuzendariaren 'Mur-Mur' dokumentala emango dute bihar, Donostian
Poesia eta dantzarekin hasten du dokumentala Gutierrezek.
Poesia eta dantzarekin hasten du dokumentala Gutierrezek. BERRIA

Urtzi Urkizu -

2013ko otsailak 17

Donostiako Zinemaldiko Zinemira sailean estreinatu ostean, bihar Mur-Mur dokumentala ikusteko beste aukera bat izango da Gipuzkoako hiriburuan.

Martuteneko espetxean bizi izandako sufrikariotik irten diren hainbat lagunen gertuko testigantzak entzuten dira Juanmi Gutierrezen lanean. Zamaz motxila kargatuta daraman pertsonari laguntzen saiatzen dira pertsona anonimoak. Loiola Etxeko kideak dira horietako batzuk, Arrats elkartekoak beste batzuk, baita Salhaketakoak ere. Espetxeen zentzugabekeria ageri da Zazpi t'erdi ekoizpen etxeak egindako dokumentalean. Eta bertan gizarteratze lanean sakontzen da.

Halaber, Mur-Mur lan hunkigarrian Euskal Herrian eraikitzen ari diren makroespetxeen atzean dauden interes ekonomikoak azaleratzen dira.

Sei preso sozialen ahotik belarrira esandakoak jasotzen ditu dokumentalak. Murmurrak ahopean, xuxurlatuz egiten diren aitorpenei egiten die erreferentzia, esperientzia mingarriak ekartzen baitituzte gogora. Xuxurlatze horien bigarren alde edo ikuspuntuak preso komunen ikusezintasuna ekartzen du gogora.

Dokumentalean entzuten diren testigantzak euskaraz eta gaztelaniaz daude. 80 minutuko iraupena du.

'MUR-MUR' DOKUMENTALA

Noiz. Bihar, 19:30ea.

Non. Donostian, Arrasate kaleko aretoan. Kresala zinekluba.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.