Iruñeko taldeko sexu erasoa. Protestak

«Ez da abusua, bortxaketa da!»

Protesta jendetsuak egin dira epaia arbuiatzeko. Auzitegietako atarietara jo dute mobilizatzera; horrela, salatu dute sistema bidegabe bat betikotzeko mezuak indartzen dituztela halako ebazpenek
Buenos Aires kalean hasi eta udaletxera egin zuten; jendetza elkartu zen.
Buenos Aires kalean hasi eta udaletxera egin zuten; jendetza elkartu zen. MONIKA DEL VALLE / FOKU Tamaina handiagoan ikusi

Ibai Maruri Bilbao, Samara Velte, Jon Rejado -

2018ko apirilak 27

Jendea erruz bildu zen atzo ilunabarrean Euskal Herri osoan sententziaren gaineko ezinegona eta sumina erakusteko egin ziren protestetara. Donostian, Gasteizen eta Bilbon mugimendu feministak egin zuen horietarako deia, eta berezitasun bat izan zuten: epaitegietako atarietara eraman zuten jendea. Iruñean, dei zehatzik ez zuten egin feministek, baina, bere kasa, jende askok adierazi nahi izan zuen arrangura, eta aspaldiotako elkarretaratze jendetsuenetarikoa egin zen udaletxe plazan eta inguruetan. Protestetan parte hartu zuten guztiek deitoratu zuten tankera horretako ebazpenek genero sistema bidegabea auzitan jarri beharrean hanpatu egiten dutela. Ez da abusua, bortxaketa da! izan zen ozenen entzun ziren aldarrietako bat, beste hainbatekin batera: Hau ez da justizia!, Sinesten dizut!, Herriak ez du barkatuko!... Protestarako deiak arrakasta handia izan zuen Euskal Herritik at ere.

Donostian, Kalkutako Teresa plazan zuten egina mobilizaziorako deia, epaitegien aurrean. Justizia sistemak halakoekin erakusten duen ezina deitoratu zuten: «Epaitegiak ez daude emakumeen gorputzak defendatzeko». Kontrara, adierazi zuten «ordena patriarkala iraunarazteko» tresna direla, eta sententzia hori jarduteko era horren adibide dela. Batzar ireki batekin amaitu zuten protesta, eta gaur eguerdian berriz epaitegi aurrean elkartzeko deia egin zuten. Protestan ziren, besteak beste, Gipuzkoako Diputazioko bi ordezkari: Turismo diputatu Denis Itxaso eta Berdintasun zuzendari Miren Elgarresta. EH Bilduko Kongresuko ordezkari Marian Beitialarrangoitia ere han zen.

Gasteizko mugimendu feministak ere jende ugari erakarri zuen atzoko protestara. Andre Maria Zuriaren plazan hasi zuten mobilizazioa, eta handik epaitegietarako bidea hartu zuten: Gasteiz hiribidera. Bidean, kaleak jendez bete zituzten, eta tranbiari eta hainbat autobusi bidea itxi zieten. Behin iritsita, epaitegi aurreko espaloira joan, eta eserialdi bat egin zuten. Testu bat irakurri zuten han, eta eguneko mezu nagusia plazaratu zuten: «Bortxaketa da». Epaitegia inguratu zuten zenbait unetan manifestariek, eta Poliziak hainbat pertsona identifikatu zituen. Deigarria izan zen protestan parte hartu zuten andre gazteen kopurua; lehen lerroan jarri ziren asko. Gasteizko Udalak ez zuen propio bat egin protestarekin, baina udaleko Berdintasun Zerbitzuak zineforum bat bertan behera utzi zuen, protestarekin bat egin ahal izateko.

Bilbon, Buenos Aires kaleko epaitegien parean egin zuten protesta. Kale hori zarratuta egon zen, eta ingurukoak ere bai. Osorik bete zituzten manifestariek. Gero, udaletxera jo zuten. Han, deitoratu zuten justizia «sistema patriarkalaren» parte dela, eta «konponbide askotarikoa» eskatzen duela gaiak. Idoia Mendia (PSE) eta Andoni Ortuzar (EAJ) han zeuden, beste hainbat politikari ezagunen artean. Izan ziren haien kontrako zenbait oihu.

Plazan, eta bulegoetan

Iruñean ere batu zen jendea arratsean epaitegi aurrean protestarako. Baina udaletxeko plazan izan zen elkarretaratze nagusia, eta ordezkari politiko ugari izan ziren; tartean alkatea, Joseba Asiron. Kalean protesta egiten ari zen bitartean, Uxue Barkos Nafarroako presidenteak argazki bat zabaldu du sare sozialetan, mezu honekin: «Iruñea, 19:30ak. Bulegoan, Beaumont kontseilariarekin epaiaren kontrako helegitea aztertzen. Nafarroako Gobernuaren zerbitzu juridikoak lehen unetik ari dira lanean».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Azken zenbaketan 33 positibo atzeman dituzte, 11 Bilbon

Azken zenbaketan 33 positibo atzeman dituzte, 11 Bilbon

Arantxa Iraola

Adierazi dute ez dagoela motiborik esateko Bizkaiko hiriburuan gaitzaren oldarraldi bat dagoenik, baina ikertzen ari dira

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi egin dute, langile batek positibo eman baitu

Berria

Donostia Kirola Eusko Jaurlaritzako Osasun Sailarekin ari da hartu beharreko neurriak zehazten. 

Jedea Donostiako kaleetan maskarak jantzita ©Juan Carlos Ruiz / FOKU

Eudelek maskaren erabilera indartzeko eskatu du

Aloña Beraza Peña

Eudelek udalei eskatu die maskara erabiltzeko mezua indartzeko. Euskadiko Udalen Elkarteak jakinarazpen bat bidali die alkateei. Normaltasun berrian maskararen erabilera nahitaezkoa da leku itxietan, eta baita segurtasun distantzia mantentzen ez den egoeretan ere, baina gainerakoetan maskara erabiltzea aholkatzen da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna