Albistea entzun

BIRA

Loreak

Garbine Ubeda -

2016ko urtarrilak 21

Nazioarteko Espazio Estazioan sortu den lehen loreari begira nago, Scott Kelly astronautak handik goitik igorri duen argazkiari lupa jarrita, txunditu xamar. Petalo hori biziak ditu, luzexkak eta ederrak, eta ertz banatako tolesei esker, txalupatxoak imajinatuko genituzke, aske etzanda baleude. Bista urrundurik, berriz, lorategi publikoetan eta errepideetako biribilguneetan erein ohi dituzten margarita koloretsu horietarikoa ematen du, apaingarritarako objektua alegia, eta zer helburu izan lezakeen pentsatzen hasi naiz konturatzerako, zer irudikatzen duen eta zer sentsazio sortzen, huts infinituan loratu den landare horrek.

Gau eta egun haren alboan imajinatzen ditut astronautak, jaioberriari xeraz eta tentuz begira, beharbada gogobero eta animotsu, eta beharbada doministikuka, askatu duen polenak sudurra zimurrarazten dielako. Mirari inozentea dela senti genezake, baina kolonizatzailearen usaina dario: espaziotik etorritako urari esker sortu omen zen bizitza Lurrean, eta galaxia urrunetara hedatzeko lehen urratsak ematen ari da orain, biharko gizakiak odisean beharko dituen jakiak produzitzeko saioan.

Espazioko Myflower ontziaren ikurra da lore hauxe. Eta beste mundu urrun eta artean imajinaezin bati eroriko zaion madarikazioarena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...