Noiz sortua: 2015-12-01 00:30:00

Yuanari aitortza

NDFk erabiltzen duen erreserba dibisen saskian sartu da azkenik Txinako moneta.

Balio sinbolikoa du erabakia orain hartu izanak
Langile bat yuanak zenbatzen makina batean.
Langile bat yuanak zenbatzen makina batean. WOO HE / ARGAZKI PRESS

Ivan Santamaria -

2015eko abenduak 1

Txina nazioarteko botere ekonomiko gisa duen estatusari beste bultzada bat eman dio NDF Nazioarteko Diru Funtsak. Erakundeak erabiltzen duen nazioarteko dibisa saskiaren barruan sartuko da yuana 2016. urteko urriaren 1etik aurrera. Klub aparteko horretan bakarrik daude AEBetako dolarra, euroguneko euroa, Japoniako yena, eta Erresuma Batuko libera esterlina. Bosgarren moneta izango da Txinakoa.

Aitortza hori lortzeko presio egiten aritu da Txina azken urteotan. Azken finean, munduko dibisa nagusien artean kokatzea eragingo du erabakiak, eta yuanari erreserba dibisa izateko bidean jarriko du. Berehalako ondorio praktikoak baino gehiago, balio sinbolikoa du mugimenduak. Diruaren balioa apala izateko esku-hartzea leporatu zaio sarritan Txinako Gobernuari, eta kontrol hori lausotzeko azken garaiotan hartu dituen neurriei oniritzia eman dio NDFk.

Funtseko zuzendaritza batzordeak bost urtean berritzen du dibisa saskia. Horretan oinarritzen da SDR izeneko sistema, Igorpen Eskubide Bereziak. Eskubide horiek aktibo bat dira, eta NDFren nahiz erakundea osatzen duten 188 herrialdeen eragiketak finantzatzeko erabiltzen dira. Herrialde batek igorpen eskubide berezi horiek nahi duen monetan truka ditzake gero.

Espero zen halako erabaki bat hartzea. Traba teknikoak gaindituta zituen, orain dela aste batzuk NDFko teknikariek ontzat jo zutelako Txinako dirua erabiltzea aurrerantzean. Uztailean hainbat eragozpen jarri zizkioten aztertzaileek Txinari, baina egindako zuzenketekin ados daude.

Asiako erraldoiarekin zerikusia duten erabaki guztietan bezala, elementu politikoa ere ez da falta izan. Christine Lagarde NDFko zuzendariak berak atera zuen komunikatu bat, funtseko teknikariek emandako emaitzari babesa emateko.

Irizpideak zalantzan

Bi irizpide erabiltzen dira moneta bat dibisen saskian sartzeko aukera duen edo ez neurtzeko. Lehenik eta behin, esportazio irizpidea. Horren arabera, diru batek ekonomia globalean garrantzi apartekoa izan behar du. Txinakoak baldintza hori aspaldi betetzen zuen. Nazioarteko bost dibisa handienen artetik saskian ez zegoen bakarra zen.

Arazoa bigarren irizpidearekin zetorren. Moneta horrek «erabilera askekoa» izan behar duela dio NDFren araudiak. Batetik, nazioarteko salerosketetan «erabilera zabala» izan behar du, eta yuanak badu, besterik ezean merkatu erraldoi bat ordezkatzen duelako. Bestetik, finantza merkatuetan asko erabili behar da. Horri buruz zalantza handiagoak agertu dira.

Erabilera askeari buruz dauden mugak argi utzi nahi izan ditu funtsak. Izan ere, ez du zerikusirik monetaren kotizazioa erabat librea izatearekin. Txinako Gobernuak yuanaren kotizazioari mugak jarriak dizkio, goitik eta behetik, baina baldintza horiek erreserba dibisa izatearekin bateragarria direla ondorioztatu dute NDFko teknikariek, beti ere monetak erabilera zabala izatea mugatzen ez bada.

Funtseko zuzendaritzak baiezkoa eman zuen atzoko bileran. Finantzak eta moneta erreformatzeko Txinak egin duen lanari «aitortza» egin zion Lagardek, erabakiaren berri ematerakoan. Banku zentralek yuana gehiago erabiltzea espero liteke orain.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Kalean, herritarrak maskara jantzita, atzo, Ordizian. ©JUAN HERRERO / EFE

Hauteskunde batzordea gaur bilduko da Ordiziako egoera aztertzeko

Arantxa Iraola - Jon Ordoñez Garmendia - Irati Urdalleta Lete

Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Hauteskunde Batzordea gaur elkartuko da egoera aztertzeko

Ordiziakoa Etxezarreta kalea, atzo. ©JUAN HERRERO / EFE

Ikara, bozkalekuetan

Jon Ordoñez Garmendia

Ordizian bozkalekuetan egon behar dutenak beldurrez bizi dira igandetik. Zalantza asko dituzte, eta arriskuan sentitzen dute euren burua. Gaur dute bilera udalarekin.

 ©ARITZ LOIOLA / FOKU

«Distantzia da oraingoz dugun tresna eraginkor bakarra»

Arantxa Iraola

Birusen egitura aztertzen du Abresciak Ikerbasquen, CIC Bioguneren barruan. Argi du COVID-19a oso azkar hedatzen dela gogorarazten jarraitu behar dela: ez da egun batetik bestera ahulduko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna