Albistea entzun

BIRA

Epidemia

Garbine Ubeda -

2016ko otsailak 3

Brasil oldartu egin zaio Zika birusa transmititzen duen eltxoari. Espezie hegalariaren aurkako gerrara deitu dute agintariek, eta ez da metafora, berripaper honetan irakurri genuenez, militarrak ere kalera ateratzeko gertu baitira behar izatera, ehun milaka soldatu, agindu bat eta bera helburu hartuta: Aedes Aegypti eltxoen bilguneak detektatu, haztegiak suntsitu eta haiek hil.

Globalizazioaren eraso berriak frontera eraman du herrialdea, baliabideak lehen lerroan jarri eta fumigatzeko bazookak dantzatzera, ziztadaka zabaltzen den epidemia gailendu ez dadin, eremu zabalagorik konkista ez dezan. Alabaina, bere ezinean, kutsatutako biktima ahulenak utzi ditu bazterrean: lurralde txiroenetako amak, mahaira zer eraman eduki ez eta birusaren ondorio latzenari ia laguntzarik gabe aurre egin beharko diotenak; eta haien seme-alabak, geroa galdu dutenak, buru-hezurra eta garuna behar bezala garatuko ez duten haur jaioberriak nahiz koskorragoak, entzumena eta ikusmena gal lezaketenak. Haientzat osasun zerbitzurik ez zegoelako lehen, eta are gutxiago orain, besterik ez bada irizpide minimo batzuk eta elkartasuna biziki eskertzekoak liratekeenean.

Horixe baitute gerrek: etsaia garaitu beharraren logikan, gaitz erdi dela miserableenen sakrifizioa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...