BIRA

Auzolana

Miren Amuriza -

2018ko martxoak 30
Auzolan erraldoi bat izango da Oiartzungo Gazte Akelarrea gaurtik igandera bitartean, hala zioen Lur Albizu Ernaiko bozeramaileak BERRIAri atzo emaniko elkarrizketan.

Auzolana ez da etxerakoa, norbere sukalderakoa, baizik komunitatearentzakoa; familia-egituretatik haragokoa. Karpa bat muntatzea, bide-ertzeko sasiak moztea, eraikin okupatu bat berriztatzea, etxean 150 lagunentzako kafea prestatu eta gaztetxera, frontoira, plazara termoetan eroatea da auzolana; erakundeen esku-hartzerik bakoa, antolatutik adina izan ohi duena espontaneotik. Borondatezkoa, bitartekoetan urria bezain ugaria boluntarioen ingenioan (nork ez du ezagutzen hiru-lau palet eta esku bete bridarekin marabilak egiten dituenik?). Elkarlana da, bakoitzak dakientxoarekin aberastekoa; ingurukoen gaitasunak eta mugak (baita geure buruarenak ere) deskubritzen joatea. Nork bere denbora eta energia proiektu kolektibo bati eskaintzea da auzolana; herria egiteko era bat.

Nik, neure inuzentean, herria egitea kartoizko maketatxoak sortzea zela uste nuen, pop up liburuen antzean, mahai gainean zabaldu eta hantxe zutituko zela. Herria. Horregatik itzuli nintzen, Gazte Topagune batera lehenengoz joan ginenean, ┬źnon dago herria?┬╗ pentsatuz. Gerora ulertu nuen une horietantxe, auzolanaren ondoren kideen arteko konplizitatea aurretik baino estuagoa den uneetan, dagoela. Herria.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna