BIRA

Eder agertzeaz

Miren Amuriza -

2018ko ekainak 14
Hirian nabilenean jendeari lotsagabeki begiratzeko lizentzia hartzen dut (herrian ez bezala, debalde delakoan-edo). Banoa asteon Bilboko Areatzako zubian behera, eta non erreparatzen diodan Arriagari bizkarra emanda selfie bat egin guran zebilen bikote bati. Neska ez zen gustura geratzen antza, hiru edo lau argazki atera baitzituzten elkarren segidan. Grazia egin zidan aurpegiera eta postura segundotik segundora zelan aldatzen zituzten ikusteak (zubiaren bestaldera ere begiratu nuen une batez, ea baten bat urrutiko kontrolagailuarekin aginduak ematen ari ote zitzaien edo zer): irribarretsu eta tente, kopetilun eta sorbaldak jausita, berriz irribarrez, berriz uzkur... Eta mugikorrarekin, argazkiak ateratzen ari garelakoan, parekoak bideoan hartzen ditugunekoez akordatu nintzen; eder agertu gura dugunetan egiten ditugun keinu artifizialik txikienak ere nabarmentzen dituzten grabazio horiez. Jarrera kontua baita edertasuna, bere alde on eta ez hain on, ez ezaugarri multzo unibertsal bat. Moldagarria izan liteke eta, era berean, luzaroan performatzeko nekagarria (altxa dezala eskua, etxeraino iritsi ezinda, igogailuan bakeroen botoiak askatu izan ez dituenak). Bazitekeela, Areatzan, bikote hura distantziatik mugiarazten zuen norbait egotea, alegia; kontrolerako mekanismo bat gehiago baita gaur egun aparientzia. Batik bat andrazkoontzat.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna