Albistea entzun

BIRA

Arnasgune bat

Miren Amuriza -

2017ko abenduak 19

Lagun baten mezua igande goizean: «denak jarri ditu finala ikusten». Sei urteko alabaren argazkia jarraian: umea lurrean eserita telebistari begira, pottoki bat, pelutxezko hartz bi eta hiru panpina alboan zituela. Zuzen-zuzenean iritsi zitzaion Barakaldon gertatua: zelan bertsolariek kantuan ziharduten bitartean entzuleok isil-isilik egon ginen eta, alderantziz, haiek isiltzen zirenean zelan lehertzen ginen gu. Hautemango zuen, beharbada, bertan bildu ginen gehien-gehienok arnasari elkarrekin, espazio berean, eutsi eta elkarrekin, une berean, jaregiten geniola ere. Horixe izan baitzen BEC-a, arnasgune konpartitu bat; leku bat egunerokoan erdi bakarrik dardarazten gaituzten berriak kolektiboan iragaztekoa: Bilboko portuan abiatzen diren gerrak eta Europako hiriburuetan amaitzen diren atentatuak, Paristik itzulitako trenak eta Bruselara joaniko autobusak, erdaraz mintzo diren euskaldunen kontraesanak eta andrazkoen gorputzekin salerosketan diharduten trafikatzaileen kontra esan bakoak. Horiek denak eta beste asko iritsi zitzaizkion gure lagunaren alabari, Xebastian Maialenengana hurreratzen ikusi zuenean egongelan salto-saltoka aritu zenari. Eta haren «txapel hau gerokoentzat» ez zuen beretzakotzat hartuko ziurrenik, baina igandean, egun osoan zehar, telebistara pega-pega eginda eduki zuen magnetismo hark zabaldu araziko dizkio bide berri batzuk.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.