BIRA

Hegozentrismoa

Miren Amuriza -

2018ko martxoak 24
Euskal Herriaren nazio ikuspegiari dagokionez, errealitate pertsonala eta objektiboa bereizten ez dituenaren jarrera politikoa; «hegoalde» (Araba, Bizkaia, Gipuzkoa eta Nafarroa), «zentro» (erdigunea) eta «-ismo»-ren (doktrina, joera edo sistema) batura. Adibidez: «Euskal Irrati Telebistaren ardatzetako bat hegozentrismoa da». Hortaz, hegoaldea eta beronen mundu erreferentziala (Espainia) interes eta arreta gune nagusitzat dauzkan pertsona, talde edo erakundea hegozentrikoa izango litzateke. Honako bost ezaugarriok bereizten dute:

Autoirudi distortsionatua eduki ohi du eta mugaren alde bateko eta besteko mugimendu sozial, politiko, kulturalak konparatzen aritzen da etengabe, hegoaldekoak goratuz eta iparraldekoak kuestionatuz: «Martxoaren 8an ere, jende gutxitxo Baionan, ez?». Nekez enpatizatzen du Lapurdiko, Nafarroa Behereko eta Zuberoako errealitatearekin, beraiei buruzko ezagutza mugatu samarra eduki ohi duelako batez ere: «Izura eta Izpura, Garazi eta Lohizune... zein da zein?». Besteen kritikekiko hipersentibera izan ohi da: «Maskaradako antzezleak enfoke intimo batetik fotografiatu gura izan ditudalako, inbasorea ni?». Bakartia eta ezkorra, itxikeriak ingurukoengandik urrunarazten duelako eta bere gabeziak azalarazten dizkiolako. Eta kontrakoa egiten saiatzean ere, sarritan, ez du ipar-hego dikotomia nabarmendu baino egiten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna