Bertsolaritza kultur intereseko ondasuntzat jo du Nafarroako Gobernuak

Ondare materiagabearen atalean, Nafarroako seigarren izendapena da bertsolaritzarena. Hilaren 20rako antolatu dute aurkezpen ekitaldia
Julio Soto, iaz, Nafarroako Bertsolari Txapelketan.
Julio Soto, iaz, Nafarroako Bertsolari Txapelketan. NAFARROAKO BERTSOZALE ELKARTEA

Erredakzioa -

2018ko ekainak 7
Nafarroako Gobernuak bertsolaritza Nafarroako kultur intereseko ondasun izendatzea onartu du, ondare materiagabearen kategorian. Atzo goizean egindako bilkuran hartu zuen erabakia, eta Ana Herrera Kultura, Kirol eta Gazteriako kontseilariak eman zuen izendapenaren berri.

Bertsolaritza Nafarroako kantu inprobisatuaren adierazpiderik nabarmenena eta hobekien kontserbatu dena dela adierazi zuen kontseilariak. Halaber, bertsolaritzak duen errotzea, komunitatearen babesa eta egiten ari den transmisio lana nabarmendu zituen, besteak beste. Izendapenak bertsolaritza bizirik mantentzen lagundu nahi du, kontrolatutako eraldaketa ahalbidetuz.

Hilaren 20an izendapena aurkezteko ekitaldi bat egingo dute, 18:00etan, Nafarroako Museoan. Bertan, gobernuko ordezkariek ez ezik, Nafarroako Bertsozale Elkarteko ordezkari batek, Julio Soto Nafarroako txapeldunak eta Alfredo Asiain irakasle eta ahozkotasunean adituak ere parte hartuko dute. Ekitaldia irekia da, eta, hura bukatzean, bertso saio bat izango da museoko atarian.

2011n hasi zen izendapenerako prozesua, eta orain eman du fruitua. Ondare materiagabearen arloan Nafarroak onartuko seigarren kultur intereseko ondasun izendapena da bertsolaritzarena.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna