Irunen, azaroaren 18an egingo dute herri galdeketa
Etorkizun politikoari buruzko galdeketa antolatzen ari dira Irunen (Gipuzkoa), eta, larunbatean eginiko batzarrean, eguna zehaztu zuten: azaroaren 18an izango da. Bilera horretan, datozen hilabeteetan emango dituzten pausoak ere zehaztu zituzten: otsailaren 17-tik apirilaren 22ra bitartean, sinadurak bilduko dituzte plataformari babesa adierazteko, eta apirilaren 3tik maiatzaren 19ra, galdera adosteko zenbait batzar egingo dituzte. Hain justu, festa bat prestatu dute maiatzaren 19rako, sinadura bilketaren emaitzak eta adostutako galdera aurkezteko. Ekainean, uztailean eta abuztuan, berriz, galdeketaren finantzaketa eta antolaketa lanak zehaztuko dituzte.
Iruzkinak
Ez dago iruzkinik
Ordenatu