Macronek EIren aurkako borroka lehenetsiko du
Atzerri politikan baliatuko duen ildoa azaldu zuen atzo Emmanuel Macron Frantziako presidenteak. Lehentasuna «terrorismo islamistaren aurkako borroka» izango dela adierazi zuen, Frantziako herritarren «segurtasuna bermatzeko». Datorren urterako nazioarteko bilkura bat antolatu nahi du Parisen «terrorismoaren finantzaketaren aurka». Horrez gain, Siriako gerra bukatzeko ahalegin diplomatikoa egingo duela esan du, eta Iranen eta Saudi Arabiaren arteko gatazkan ez duela alderik babestuko ziurtatu du. «Alde guztiekin hitz egitea da gure diplomaziaren indarra». Afrikako Sahel eskualdean, berriz, garapen plan bat bultzatuko duela hitzeman du.
Iruzkinak
Ez dago iruzkinik
Ordenatu