Noiz sortua: 2018-06-13 00:30:00

Mayk kontzesio garrantzitsuekin saihestu du barne zatiketa bozketan

'Brexit'-aren inguruan ez bada akordiorik azaro amaierarako, Erresuma Batuko Komunen Ganberak gidatuko lituzke negoziazioak
WILL OLIVER / EFE Tamaina handiagoan ikusi

Ander Perez Zala -

2018ko ekainak 13

Garaipen gazi-gozoak lortu ditu Erresuma Batuko lehen ministro Theresa Mayk brexit-aren legearen inguruan. Lorden Ganberan ezarritako hamabost zuzenketak Komunen Ganberara itzuli ziren atzo, eta, eztabaidaren eta bozketen lehen egunean —gaur amaituko da—, Mayk garaipen garrantzitsu batzuk lortu zituen, kanpora begira bada ere. Garesti aterako zaio, kontzesio garrantzitsu batzuei esker saihestu baitzuen porrota: lordek aurkezturiko zuzenketa baten bere bertsioa proposatu zien alderdiko diputatu europazaleei, eta zin egin zien Komunen Ganberak zeresana izango duela EB Europako Batasunaren eta Londresen arteko negoziazioetan, bi aldeek azaroaren 30erako akordiorik ez badute adosten. Hau da, data horretatik aurrera Londresek ganberaren babesa beharko duela negoziazioei begira, eta ez kasu horretan soilik; akordioa adosten badute ere, Mayk babes hori bilatu beharko du diputatuek urriko saioan akordioaren kontra bozkatzen badute, eta beraz EBk eta Londresek urriaren eta azaroaren artean ez badute beste akordiorik adosten. Bada arazo bat, ordea: diputatuek brexit-aren data kentzeko zuzenketaren aurka egin zuten; beraz, baliteke egutegia gehiago estutzea.

Testua astelehenean itzuliko da Lorden Ganberara, eta gobernuak berak aurkeztuko du zuzenketa; konpromiso horrekin lortu zuen Mayk atzoko porrot garrantzitsuena saihestea. Oraingoz, Erresuma Batuko lehen ministroak parlamentuari eman dio akordioaren inguruan bozkatzeko aukera —Justiziak behartuta—, baina ohartaraziz kontra bozkatuz gero brexit-a akordiorik gabe gauzatuko litzatekeela. Dominic Grieve diputatu kontserbadoreak lehen ministroari ohartarazi zion asteleheneko zuzenketan atzera egingo balu diputatuek aukera izango luketela atzoko bozketa berriz egiteko. Beraz, oraingoz, brexit-a akordiorik gabe gauzatzeko aukera ia desagertu egin da.

Mayrentzako albiste txar batekin hasi zen bozketa eguna: Phillip Lee Justiziarako Estatu idazkariak dimisioa aurkeztu zuen, bere gobernuaren aurka bozkatzeko egunotako saioetan. Erresuma Batuko lehen ministroaren kontzesioak kontuan harturik, erabakiak «merezi izan» zuela adierazi zuen atzo Leek.

Aduana batasuna

Leeren dimisioaren berri izateaz gain, Mayk lorden lehen zuzenketaren inguruko bozketa saihestu zuen saioaren hasieran, zuzenketaren edukia onartu baitzuen. Beraz, hemendik aurrera ministroek parlamentuaren aurrean frogatu beharko dute nola saiatu diren eta saiatuko diren EBrekin «aduana akordio bat» adosten.

Diputatu europazaleek brexit leun bat nahi dute, eta horretarako giltzarritzat dute aduana batasunean geratzea eta EEE Europako Esparru Ekonomikoan geratzea. EEEri buruzko zuzenketa gaur bozkatuko dute, eta ikusteko dago Mayk porrota jasango duen ala beste kontzesioren bat prest izango duen. Parlamentua EEEn geratzearen aldekoa da, eta EBk jarrera hori babesten du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna