Gogortasuna atzean utzitako itzulera

Ska-reggae eta punk-rock doinuak bildu ditu Ze Esatek taldeak 'Inoiz egin dugun diskorik onena' laugarren lan luzean
JUAN CARLOS RUIZ / ARGAZKI PRESS

Mikel Lizarralde -

2015eko urriak 15

Izenburuak horretarako parada ematen duenez, Inoiz egin dugun diskorik onena ote da Ze Esatek taldearen lanik biribilena? Galderari izkin eginez erantzun dio Jokin Gilisagasti taldeko bateria jotzaileak: «Joseba Poncek egin du azaleko tximuaren argazkia, eta marrazki horrekin lotzen da izenburua. Gu, behintzat, tximuarekin identifikatzen gara». Laugarren lan luzea du Donostia aldeko bederatzikoteak, baina Gilisagastirentzat aurrenekoa da. «Jokin iaz hasi zen gurekin, eta horrek zerikusia izango du!», egin du ñabardura Jabi Rodilek, abeslarietako batek. Diskoa Bonberenea Ekintzak-ek eta Mirentxu Recordsek argitaratu dute, elkarlanean.

Hamar kantu bildu dituzte diskoan, taldearen gaur egungo kolorea erakusten dutenak. «Aurreko diskoa irmoagoa, gogorragoa zen, eta estilo horretatik urrundu gara lan berrian», azaldu du Gilisagastik. Hain zuzen ere, AEBetako ska-reggae eta punk-rock moldeak berreskuratu dituzte, eta haize tresnen presentzia indartu dute. Karlos Osinaga Txap-en laguntza izan dute «estilo nahasketa» hori ontzeko, eta emaitza «alaiagoa eta koloretsuagoa» dela uste dute. Ia bi hilabete eman zituzten Tolosako Bonberenean grabatzen, «soinu baten bila», abeslariak esan duenez: «Maketa bat grabatua genuen lokalean, eta estudiora lan hori eginda joan ginen». Izan ere, Osinagak diskoa grabatu eta nahastu badu ere, produktuaren ekoizpena taldekideek berek egin dute: «Lasai eta gustura gelditu gara emaitzarekin».

Kritika eta parranda

«Lehertu da; puztuegia ote? Biceps, triceps, ganbaran ezer ere ez, Jon ez zen inoiz asetzen, Jon-Ki-Rolaria zen». Jonky Rolari kantuaren hitzetan, telebistak bultzatuta beste ezeren gainetik gorputza gurtzen dutenei buruz hitz egiten dute. Working Class-ek, berriz, klase kontzientziari erreparatzen dio. «Hitzek kritika sozial eta politikoa egiten dute, baina badira parrandari lotutakoak ere», azaldu du bateria jotzaileak. Joseba Sarrionandiaren testu batekin ondu dute, bestetik, Pianistaren heriotza.

Taldea osatzen duten bederatzi lagunei Garazi Esnaola pianista gehitu zaie kantu askotan — «ska-reggae estilo horretara oso ondo egokitzen da hammonda»-, eta Talco Italiako taldeko lagunek parte hartu dute Ezin zaitut jasan abestian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE

PCR proba egitera deitu ditu Jaurlaritzak Bilboko Fever diskotekan eta Erandiogoikoko batzokian egon zirenak

Berria

Bihar goizean hasiko dira testak egiten. Diskotekarekin lotutakoei, Basurtuko ospitalean, eta batzokian izandakoei, Urdulizkoan.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Mikel Lizarralde

Informazio osagarria