Noiz sortua: 2015-01-28 00:30:00

Ezin izanen dute euskara ofizial izendatu

Paueko Administrazio Auzitegiak gibelera bota du Uztaritzeko Udalak euskara ofizial izendatzeko hartutako erabakia.

Bi astera jakinaraziko dituzte deliberoaren argudioak
Uztaritzeko Herriko Etxearen erabakiaren aldeko elkarretaratzea egin zuten uztailean.
Uztaritzeko Herriko Etxearen erabakiaren aldeko elkarretaratzea egin zuten uztailean. BOB EDME

Maddi Ane Txoperena Iribarren -

2015eko urtarrilak 28

Espero zitekeena berretsi du Paueko Administrazio Auzitegiak: epaileak aurka egin, eta Uztaritzeko Herriko Etxeak gibelera bota beharko du euskara ofizial egiteko erabakia. Hori dela eta, udalak ezin izanen du euskara frantsesaren hein berean ezarri. Edo ez, behintzat, ofizialki. Hala jakinarazi zuen atzo Maite Haran-ek, Uztaritzeko Herriko Etxeko axuantak: «Hartu genuen erabakia deuseztatu egin dute».

Epaileak eman du, beraz, deliberoa, baina hori ebazteko hartu dituen argudioak ezin izanen dituzte jakin hemendik hamabortz egunera bitarte —gutun bidez igorri beharko lizkiokete herriko etxeari—. Horien zain dira, hain zuzen, udaleko kideak. Honela azaldu du Haranek: «Bagenekien deliberoa aurkakoa izanen zela, baina argudioak zaizkigu bereziki interesatzen». Behin gutuna jasota, orduan erabakiko dute zer erantzun eman, eta zer bide hartu euskarari dagokionez ere. Hala eta guziz ere, euskararen aldeko urratsak egiten jarraituko dutela argi du Bruno Karrere auzapezak: «Guk ideia berarekin segituko dugu».

Epaileak ez du argudiorik jakinarazi, baina hilaren 13an Pauen (Okzitania) eginiko auzian jadanik ikus zitezkeen deliberoaren zenbait aztarna. Izan ere, epaiketan behin eta berriro entzun zen arrazoibide bera: Frantziako Konstituzioak frantsesa duela errepublikako hizkuntza bakartzat, eta euskara ofizial eginez gero frantsesa baztertuko litzatekeela. Defentsak salatu zuenez, Uztaritzeko Herriko Etxeak ez du sekula frantsesa alde batera utzi nahi izan: euskarari maila bera eman nahi zion, baina ez gehiago.

Frantziako Konstituzioaren bigarren artikuluan oinarritzen zen prefetak egindako salaketa. Honela dio: «Frantsesa da errepublikaren hizkuntza». Defentsaren abokatuak, ordea, salatu zuen konstituzioak baduela bertze atal bat hizkuntza gutxituak babesten dituena: 75.1 artikulua. «Eskualdeko hizkuntzak» Frantziaren ondarearen parte direla dio 2008an gehituriko testuak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.843 gaixok eman dute positibo guztira, koronabirusa atzemateko probaren bat eginda. Horietatik 2.096 hil dira. Grafikoak, albiste barruan.

Eskuin muturreko jarraitzaileak, Michigan estatuko kapitolioaren parean, armak aldean, konfinamenduaren kontrako protesta batean, joan den maiatzean. ©JIM LO SCALZO / EFE

Eskuin muturra, hedatzen ari den beste birusa

Gorka Berasategi Otamendi

Pandemiari aurre egiteko salbuespen neurriek askatasuna mugatzen dutela eta, neurri horien kontrako protestak ugaritu egin dira hainbat herrialdetan. Eskuin muturreko taldeak ezinegon hori aprobetxatu nahian ari dira, beren diskurtsoa gizarte sektore suminduetara zabaltzeko. Pandemia aukera gisa ikusten dute.

Argazkigintzako ikasleak, joan den astean Donostian egin zuten topaketan. ©ANDONI CANELLADA / FOKU

Erretirorik nahi ez duten ikasleak

Paulo Ostolaza

EHUren Esperientzia Gelek ikasten jarraitzeko aukera ematen diete adinekoei. Konfinamenduan etxetik hartu dituzte klaseak, eta «uste baino arazo gutxiago» izan dituzte teknologiarekin. Unibertsitateak, ikasteko ez ezik, harremanak egiteko ere balio diela nabarmendu dute argazkigintzako ikasleek.

 ©OMER MESSINGER / EFE

Konfinamendua, «botere abusua»

Gorka Berasategi Otamendi

Koronabirusak gogorren jo duen herrialdeetan piztu dira konfinamenduaren kontrako protesta handienak. BERRIAk bost herrialdetako protesten argazkia egin du: Alemania, Italia, Espainia, AEB eta Brasilgo mobilizazioei erreparatu die.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna