Albistea entzun

EAJri entzungor eginez, PPren gobernuak ez du kargugabetuko Sanchez Corbi

Guardia Zibileko koronelaren hitzek EAJ haserretu dute. Estebanen iritziz, Sanchez Corbi ezin da egon egun duen arduran, 1997an torturagatik zigortu zutelako
Miguel Sanchez Corbi, iazko azaroan, Espainiako Kongresuko batzorde batean.
Miguel Sanchez Corbi, iazko azaroan, Espainiako Kongresuko batzorde batean. EMILIO NARANJO / EFE Tamaina handiagoan ikusi

Jon O. Urain -

2018ko otsailak 15

«Gaiztoak: ETAkoak, Batasunakoak, EAJkoak eta euskal Eliza». «EAJk eta Eusko Jaurlaritzak kobratu egin nahiko dute ETA desegiteagatik». «EAJk ez zuen ETAren porrota nahi». «Gerra zikinak ez zuen horrenbesteko garrantzirik izan». Guztiak dira Manuel Sanchez Corbi Guardia Zibileko UCO Unitate Zentral Operatiboko buruzagiaren adierazpenak, azken aste eta hilabeteetan hedabide ugarik eginiko elkarrizketetan eta argitaratu berri duen liburuaren aurkezpenean esandakoak. Sanchez Corbiren hitzek EAJ asaldatu dute, eta Aitor Esteban diputatuak kontuak eskatu zizkion atzo Mariano Rajoy Espainiako Gobernuko presidenteari, Sanchez Corbiren adierazpenengatik eta hura Guardia Zibileko ardura postu batean egoteagatik. Izan ere, Kepa Urra torturatzea egotzita zigortu zuten 1997an: «Torturengatik zigortutako pertsona bat, protagonismo hitzontzi horren tamainako norbait, ezin da UCOko buru izan».

Rajoyk erantzun zuenez, Sanchez Corbik ez zituen adierazpen horiek egin «bere egungo funtzioen testuinguruan, liburu baten promozioarenean baizik». La Vanguardia kazetak otsailaren 3an argitaratu zuen Sanchez Corbiri eginiko elkarrizketa, eta bertan EAJ «gaiztoen» multzoan sartu zuen. Rajoyk atzo azaldu zuen kazetariak berak zuzendu zituela adierazpenak, eta «ulertzen» zuela Esteban «irainduta sentitzea, gertatu izan balira». Erantzun txandan, Rajoyk erantsi zuen «legeak, zuzenbide estatuak eta euskal eta espainiar herritarren gehiengoak garaitu» zutela ETA: «Gauzak aldatu egindira Euskal Herrian, hobera: denok dakigu hori. Horregatik, garai berriak egonkortzeko, askoz egokiagoa da zu eta ni ez sartzea gai horietan».

Sanchez Corbi 2015etik da UCOko buru, baina azken asteetan ari da zeresana ematen; izan ere, bi liburu argitaratu ditu berriki, ETAren aurkako jardunaz. 1997an, lau urteko espetxe zigorra ezarri zion Bizkaiko Auzitegiak, 1992an Kepa Urra torturatzea egotzita. «Komando bat atxilotu nuen, gainerakoak non zeuden esatea nahi nuen... eta legearen lerroa igaro nuen. Gaztaroko akats bat izan zen», elkarrizketa batean azaldu zuenez. Auzitegi Gorenak urtebetera murriztu zion espetxe zigorra, eta Espainiako Gobernuak indultatu egin zuen 1999an. Harrezkero, Guardia Zibilaren hierarkian gora egin zuen, eta aitortza ugari jaso ditu: tartean, Frantziako Ohorezko Legioa, 2015ean.

Madril, «arinkeriaz»

EAJk Espainiako Gobernuaren erreakzioa kritikatu zuen atzo, herenegun Giza Eskubideen Europako Auzitegiak Espainiari ezarritako zigorra dela eta. Rafael Catala Justizia ministroak herenegun nabarmendu zuen auzitegiak ez dituela «torturatzat» jo Igor Porturen eta Mattin Sarasolaren «lesioak». Atzo, Koldo Mediavilla EAJko Harreman Instituzionaletako idazkariak torturen auzian «arinkeriaz» jokatzea egotzi zion Catalari. Ezker abertzalea ere kritikatu zuen, «bestelako urraketa eta indarkeriak» ez salatzea leporatuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nikolas Blain eta Anita Lopepe, Baionan egin duten agerraldian ©Bob Edme

Eskaintza politiko berri bat eratu nahi du EH Baik

Ekhi Erremundegi Beloki

Lehen kongresua eginen du azaroaren 26an. Txosten politikoa eta organizatiboa eztabaidatzen hasiko da ondoko egunetan

Miren Etxebeste eta Victor Lana, Donostian. ©Ahal Dugu.

Miren Etxebestek iragarri du aurkeztuko dela Gipuzkoako Ahal Dugu-ren hautagai izateko primarioetan

Uxue Rey Gorraiz

 Donostiako alkategai izateko, Victor Lasak ere aurkeztu du hautagaitza.

Pello Otxandiano, atzo, Donostian. ©ARITZ LOIOLA / FOKU

Egiturazko neurriak sustatzeko hitzarmen bat proposatu du EH Bilduk

Iosu Alberdi

Ongizate Hitzarmenak hamar neurri jaso ditu: bost «ongizatearen oinarri materialak bermatzeko», eta beste horrenbeste aberastasuna banatzeko

Frantziako armadan sartzera deitzeko publizitate bat, Baionako autobus geltoki batean. ©GUILLAUME FAUVEAU

Egun bat Frantziako armadan, nahi eta nahi ez

Oihana Teyseyre Koskarat

Iparraldeko 16 eta 25 urteko gazte guziak behartuak dira Frantziako armadarekin edo Jendarmeriarekin egun bat pasatzera. Euskaldunen kontrako diskriminazioa pairatu dute anitzek, «propaganda» egunean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.