Noiz sortua: 2014-10-22 00:30:00

Jaurlaritzaren diru laguntzak. Euskal hedabideak. IRITZIA

Irismena eta sinesmena

Txema Ramirez de la Piscina - EHUko Kazetaritza irakaslea eta HGH ikertaldeko ikerlaria

2014ko urriak 22

Jaurlaritzak euskal hedabideei ematen dien diru laguntzen ebazpena kaleratu berri du. Euskal erredakzio gehienetan urduritasun garaia izaten da hau. Udagoienaren patua akaso. Aurten ikusmin berezia zegoen Jaurlaritzak irizpideak aldatu baititu eta, itxura denez, ez da sektoreko adostasunarekin egin. Nago aldaketok banaketa justuagoa egitea dutela helburu eta ez inor mesedetzea edo inori kalte egitea. Ez daukat motiborik kontrakoa pentsatzeko. Hala ere, badira eztabaidagarri diren zenbait kontu.

Esaterako, azken deialdian irismena kontzeptuak hartu du protagonismo nabarmena; izan ere, irizpide horrek finkatu du diru laguntza osoaren %70. Irismena era honetan ulertu da: «Hedabide bakoitza irits litekeen herritarren artean zenbatengana iristen den». Hau da, hedabide bat —BERRIA edo Argia, kasurako— Euskal Herri osoan zabaltzen bada, bere hartzaile potentziala euskal hiztun guztiak lirateke; hau da, 714.136 pertsona (Eusko Jaurlaritzaren V. Inkesta Soziolinguistikoa, 2011). Irizpide bat da. Objektiboa dirudi, baita eztabaidagarria ere, noski. Izan ere, ez litzateke bidezkoa izango irizpide hori bere horretan modu absolutuan ezartzea, beste faktore zuzentzaile batzuk kontuan hartu gabe. Ezin dute inolaz ere irismen ahalmen bera izan adibidez eskualde batean doan banatzen den agerkari batek eta Euskal Herri osoan hedatzen den eta ordainpekoa den beste batek. Jokaleku eta arauak desberdinak dira.

BERRIAren kasua deigarria da oso. Aurten esleitu zaion diru-kopurua 210.000 euro murriztu da, iaz baino %14 gutxiago. CIES hedabideen audientziak neurtzen dituen enpresak ez du horrelako jaitsierarik sumatu. Enpresa horren arabera, BERRIAk 56.000 irakurle zituen 2012. urtean eta 2013an, berriz, 55.000. Jaitsiera % 1,78koa da; ez %14koa.

Hitz egin dezagun beste irizpide batzuez: autofinantzaketaz eta produktuen kalitateaz. Bai BERRIAk eta bai Argia-k ere autofinantzaketa maila handia erakutsi dute, biek ala biek ahalegin handia eginda gainera. Kontuan hartu al da ahalegin hori?

Kalitateaz. Uztaro aldizkariak bere hurrengo alean Euskal Herriko Unibertsitateko HGH ikertaldearen artikulu bat argitaratuko du gai horren inguruan: Kalitate-indizeak euskarazko kazetaritzan. Egindako neurketaren arabera, bai BERRIAk bai Argia-k kalitate test hori gainditu dute (10etik 5,23 lehenak eta 6,23 bigarrenak). Kontuan hartu al dira irizpide horiek? Nola neurtu da kalitatea? Aipatu artikulu horretan nazioarteko bibliografian oinarritutako metodologia zehatz bat agertzen da; eztabaidagarria izango dena, jakina, baina metodo zehatz bat sikiera. Jaurlaritzak zein erabili du?

Nago, kasu honetan bederen, irismenari erabateko sinesmena eman zaiola bestelako faktoreak aintzat hartu gabe. Eta hori baino okerrago dena oraindik: gobernuak jarraitzen du sektorearen estrategikotasunean sinetsi gabe.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertu egingo dira. Gehienez hogei pertsona elkartu ahal izango dira, baina ezingo da probintziatik atera oraindik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna