Albistea entzun

Errusiako Munduko Kopa. Kolonbia 1-2 Japonia

Kolonbiara bidali du krisia

Japoniak merezita eta ezustekoa emanda irabazi du lehen partida. Hasi orduko, epaileak haren aldeko penaltia adierazi du; Kolonbia hamar jokalarirekin geratu da
James Rodriguez Kolonbiako jokalaria, burumakur, atzoko partidaren amaieran. Atzean, Japoniako jokalariak, irabazi dutela ospatzen.
James Rodriguez Kolonbiako jokalaria, burumakur, atzoko partidaren amaieran. Atzean, Japoniako jokalariak, irabazi dutela ospatzen. ESTEBAN BIBA / EFE Tamaina handiagoan ikusi

Imanol Magro Eizmendi -

2018ko ekainak 20

Golak. 0-1: Kagawak, penaltiz (6. min). 1-1: Quinterok (39. min). 1-2: Osakok (73. min). Epailea. Damir Skomina (Eslovenia). Txartel horia: Kolonbiako Barriosi. Txartel gorria: Kolonbiako Carlos Sanchezi (3. min). Bestelakoak. 40.842 ikusle Saranskeko Mordovia Arenan.

Krisi latzean iritsi zen Japonia Munduko Kopara. Duela bi hilabete hautatzailea kaleratu behar izan zuen taldeko izarrekin zuen harreman txarrarengatik, eta federazioak Akira Nishinoren alde egin zuen, etxeko ligan eskarmentu luzedun teknikari bat. Hark kargua osteko lagunartekoetako irudi eta emaitzak ez dira onak izan, eta bili-bolo ibili da Errusiara joan den jokalari belaunaldiak onenak emanak zituela. Hori gutxi ez, eta lehen faseko partidarik zailena aurrenekoa zuen: Kolonbiaren aurka. Testuinguru ezin aproposagoa zen txapelketa txarra egiteko, baina bost minutu nahikoak izan ziren selekzioaren aldartea aldatzeko.

Japoniak, izan ere, beste ezusteko bat gehitu zion Munduko Kopa honi, eta lehen partidan uste baino uzta oparoagoa lortu duten taldeen zerrendara gehitu da. Partidako jokaldi erabakigarria bosgarren minutuan iritsi zen, Carlos Sanchez Kolonbiako erdilariak Kagawaren jaurtiketa area barruan besoarekin urrundu zuenean. Baloia atera zihoan, eta besoa luze eginda zuen. Epaileak penaltia adierazi zuen, eta, gero, egotzi. Kagawak sartu zuen, eta krisiak Ozeano Barea ertz batetik bestera gurutzatu zuen kolpetik.

Kolonbia, ustez, H multzoko talderik indartsuena da. Europako talde handietan ari diren jokalariz asko ditu. Atzo, baina, goizegi jarri zitzaion partida aldapa gora. Japonia talde bizi eta langilea da, eta Kolonbia deseroso aritu zen 90 minutuetan. Jokalariek une oro izan zuten itzal japoniar bat gainean. Kalitatea guztiz estaltzea, baina, oso zaila da, eta Kolonbiak falta jaurtiketa batean berdindu zuen partida (39. min). Quinterok pikarokeriaz jaurti zuen atera: hesiaren azpitik eta atezainaren zutoinera. Japoniak oinarrizkoenean egin zuen kale.

Bi taldeek anbizio handia erakutsi zuten bigarren zatian. Japoniak irabazteko aukera ikusi zuen, eta Kolonbiak beharra zuen. Japoniak askotan zapaldu zuen Ospinaren area, eta aukera onak izan zituen. Kolonbian, aldiz, Jose Pekermanek James izarra eta Bacca aurrelaria zelairatu zituen. Falcao ere zelaian zegoen. Zelai erditik gora Kolonbiak ez du inoren inbidiarik.

Japonia hazita zegoen baina, eta bigarren zatiko aukera garbienetako bat korner bilakatu zen 73. minutuan. Geldikako baloiak ez dira asiarren arma nagusia, 2-1ekoa halere, korner batean iritsi zen, buruz, eta area txikitik. Hondak itxi-itxia atera zuen, eta indar handiz. Ospina ez zen irten baloiaren bila, eta Osako aurrelariak, jauzian, buruz buruko lehia irabazi zion Ariasi. Japoniak merezitako saria lortu zuen, eta Kolonbiak kolpe gogorra hartu. Partida osoa jokalari bat gutxiagorekin jokatzeak eragiten duen nekea sumatzen hasi zen, eta Japoniak askorik sufritu gabe eutsi zion emaitzari. Garaipen honi esker baliteke oin bat sartu izana final-zortzirenetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zaletuak, atzo, Aguilera estadioan. ©Bob Edme

Prefetak salaketa bat jarri du Miarritze-Baiona partidan protokoloak ez errespetatzeagatik

Paulo Ostolaza

Datorren urtean Top14an jokatzeko derbia jokatu zuten bi taldeek, eta 5.000 lagun inguru bildu ziren Aguilera estadioan. Neurketaren amaieran zelaira salto egin zuten zaletuek.

Stefan Lainer, neurketako lehen gola ospatzen. ©Marko Djurica / EFE

Austria azken minutuetan gailendu zaio Ipar Mazedoniari

Berria

Austriak txapelketa handi batean 1990eko mundialetik eskuratu duen lehen garaipena da. Goleatzaileak Lainer, Gregoritsch eta Arnautovitx izan dira; mazedoniarrena Pandevek sartu du.

Sterling neurketako gol bakarra ospatzen, Wembleyn. ©Laurence Griffiths / EFE

Ingalaterrak errebantxa hartu du

Berria

Aukera gutxiko neurketa jokatu dute bi taldeek, eta Sterlingen golari esker gailendu dira etxekoak, Wembleyn.

Hondarribiako gizonezkoen trainerua, bandera astintzen, gaur, Donostian. ©Gorka Rubio / Foku

Hondarribia eta Arraun Lagunak, Gipuzkoako txapeldun

Berria

Donostian jokatu dituzte traineruen Gipuzkoako txapelketak. Hondarribiak, mutiletan, iazko garaipena berretsi du. Emakumeetan, ezustekoa eman du Arraun Lagunakek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.