Albistea entzun

REALA. 1. BETIS. 0

Berriz ere bide egokian

Jokoari dagokionez, gotitik behera nagusitu zaio Reala Betisi, eta Velak egin du azkenean merezitako gola. Sailkapenean hamar puntu dituzte txuri-urdinek
Realeko jokalariak Carlos Velak eginiko gola ospatzen, atzo, Anoetan, Betisen aurka jokaturiko partidan.
Realeko jokalariak Carlos Velak eginiko gola ospatzen, atzo, Anoetan, Betisen aurka jokaturiko partidan. JAVIER ETXEZARRETA / EFE

Jon Eskudero -

2016ko urriak 1

Golak. 1-0: Velak (63. min.). Epailea. Trujillo Suarez. Txartel horiak: Realeko Iñigori; eta Betiseko Brasanaci, Joaquini eta Brunori. Bestelakoak. 18.310 ikusle Anoetan.

Patata ateratzeko jorratu egin behar izaten da lehenbizi. Akaso, baratza kontuetan ez dute gehiegi ere jakingo Realeko jokalariek, baina jakin badakite lana dela fruituak jasotzeko biderik onena. Esan eta esan ari ziren aspaldian, etorriko zirela emaitza onak. Eta bai, ez zuten arrazoi faltarik. Lana, pazientzia eta joko gustagarriaren ondorio, garaipen garrantzitsua lortu zuten atzo Anoetan, Betisen aurka. Jokoari dagokionez, goitik behera nagusitu ziren txuri-urdinak, baina bazen beldurra gol ezak ukatuko ote zizkien hiru puntuak. Ez zen hala izan. Oiartzabalen pase eder bati amaiera hobea eman zion Velak 63. minutuan eta, hala, hamar punturekin da sailkapenean Eusebioren taldea. Egonkor, beraz.

Entrenatzaileak berak esana zuen, Las Palmasen aurkako distira berari eutsita, zaleei garaipena eskaintzea zutela helburu. Ondorioz, logikari eutsiz, orduko hasierako hamaikako bera zelairatu zuen. Halabeharrak eraginda, aldaketa bakarrarekin: Zaldua aritu zen Carlos Martinezen ordez. Partidak hasiera hotza izan zuen, berdindua, baina minutuek aurrera egin ahala nagusitzen hasi zen etxeko taldea. Jokoaren ekimena eraman zuen, protagonista izan zen baloiarekin, eta 19. minutuan izan zuen lehen gola aukera Willian Josek. Haren burukada Adanek geratu zuen.

Bere horretan jarraitu zuen Realak. Xabi Prietok gertu izan zuen gol eder bat 28. minutuan, baita ere geroago Willian Josek berak, baina ez zuten asmatu. Hainbat mehatxu egin zituzten Betisen area barruan Realeko jokalariek, baina aparteko sustorik eman ezinda aritu ziren. Gainera, kontraerasoan pare bat abisu eman zituzten bisitariek. Velak zelai erdian birritan galdutako baloien erruz, Rullik luzimendua atera behar izan zuen. Ongi aritu zen atezaina. Sendo.

Etenaldira, lasaiago

Bigarren zatiak lehengo lepotik izan zuen burua. Jokoan nagusi zen Reala. Erabat, gainera. Ekin eta ekin ari zen aurkariaren area barruan, baina zorteak ez zion gehiegi lagundu. Azken pasean ez ziren finegi ere aritu txuri-urdinak. Berriro ere ia betiko mamuak agertuko ote ziren beldur ziren harmailetan bildutako jarraitzaile gehienak. Izan ere, joko ona egin arren, emaitza ez baitzuten lagun. Husnakoak ez zien askorako balio. Ordea, taldeko bi magoak agertu ziren 63. minutuan. Eskuin hegalean Oiartzabalek baloia hartu, bigarren zutoinera erdiratu eta han agertu zen Vela. Bere burua lurrera botata, gol ona egin zuen. Lasaitasunaren gola. Gerora ere aukerak izan zituzten 2-0ekoa egiteko, baina alferrik.

Garaipenaren ondoren, txalo artean agurtu zuten zaleek Reala. Eta garbi dago erregulartasuna lortuz gero zeresana eman dezakeela taldeak. Etenaren ondoren, San Mamesen ekingo dio berriz ligari Eusebioren taldeak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Realaren eta Bayernen arteko neurketako irudia, joaneko partidan. ©Gorka Rubio, FOKU

Reala Txapeldunen Ligatik kanpo gelditu da

Ainara Arratibel Gascon

Realak ezin izan du kanporaketa irauli. Bayern aise gailendu zaio markagailuan talde txuri-urdinari: 3 - 1 amaitu da neurketa. Kanporaketan, Reala 4 -1 gelditu da atzetik.

Nerea Eizagirre Realeko kapitaina pase bat eman nahirik, joaneko partidan, inguruan Bayerneko jokalariak dituela. ©GORKA RUBIO / FOKU

Joaneko 0-1eko emaitza irauli nahi du Realak, Txapeldunen Ligako multzoen fasean egoteko

Ainara Arratibel Gascon

Joaneko 0-1eko emaitza irauli eta Txapeldunen Ligako multzoen fasean egotea du helburu Realak, Bayern Munich kanporatuta. Txuri-urdinek segida eman nahi diote joanekoan egindako lan onari

 ©LA LIGA

«Sinetsita gaude kanporaketa irauli dezakegula»

A. Arratibel Gascon

Bayern Munich hasieratik estutzen hasiko dela uste du Letek, baina beraiek, joanekoan bezala, beren jokoa egiten ahalegindu behar dutela. «Konfiantzaz» ikusten du bere burua denboraldi hasiera honetan.
Ampo Ordiziak eta Gernikak aurreko denboraldian Altamiran jokatutako derbia. ©GORKA RUBIO / FOKU

«Gorengo mailan jarraituko genuela jakin genuenetik, ero moduan gabiltza»

Iñaki Berastegi

Epaitegietan luze eta zabal borrokatu ostean, Espainiako Ohorezko Mailan segituko du Gernikak. Taldea osatzen jarraitzen dutela dio Eduardo Maidagan entrenatzaileak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...