Albistea entzun

VW-EN AFERA

Berria -

2015eko urtarrilak 22

Noiz egin zuen eztanda lehen aldiz? 2011ko urrian, Zapateroren agintaldiaren amaieran. Espainiako Zerga Agentziak ikuspen akta bat ireki zion VWi, eta sistema aldatzeko presio egin zion.

Nola funtzionatu zuten ordura arte? Juan Cruz Alli presidente zen garaian, 1994an, hiru aldeko akordioa erdietsi zen VW eta Espainiako Gobernuarekin: Landabenen ekoitzitako autoen BEZa Nafarroak kobratzen zuen, eta esportatutako autoen BEZa Estatuak itzultzen zion VWi. Berez, Lanbabenek autoak Bartzelonan egoitza duen Vaesari saltzen zizkion eta hura arduratzen zen auto guztien salmentaz zein esportazioaz.

Noiz aldatu zen sistema? 2012ko apirilean aldatu zuen VWek. Ordutik Nafarroak itzultzen dio BEZa multinazionalari. Haatik, hori aldatu aurretik, denbora eskatu zuen Nafarroak eta sei hilabete izan zituen Espainiako Gobernuarekin Itun Ekonomikoa berrikusteko.

Zer hitzartu zen 2012ko maiatzean? Bi aldeek erabaki zuten Nafarroak urtero 25 milioi euro ordainduko zizkiola estatuari 2012tik 2014ra. Uztailean, beste urtebetez luzatu dute itun hori. VWi urtero BEZ bidez 250 eta 300 milioi euro artean itzul behar zaizkio, eta kopuru handi hori doikuntzen bidez konpentsatzen dio Espainiak Nafarroari, 25 milioi eurora arte.

Eta zer gertatu zen inspekzioarekin? 2007tik 2011rako BEZaren itzulpenen auzia (1.513 milioi eurokoa) Itun Ekonomikoaren Arbitratze Batzordearen esku geratu zen.

Zer erabaki zuen? Batzorde hori hiru adituk osatzen dute: Nafarroako Jose Antonio Asiain eta Simon Acostak eta Antonio Cayon estatuko ordezkaria. Bi urteren ostean, iragan maiatzean eskuak garbitu eta gatazkarik ez zegoela ebatzi zuen batzordeak.

Zer egin zuen estatuak? Antonio Cayonek Arbitratze Batzordean boto partikular bidez ezadostasuna azaldu eta Espainiako Gobernuak bere kabuz udan erabaki zuen Auzitegi Gorenera jotzea.

Noiz egin zuen eztanda? Irailaren 15ean, Cristobal Montororekin bildu aurretik izan zuen auziaren berri Barcinak, nahiz eta gerora bertsio kontrajarriak egon diren horri buruz. Irailaren 16an jakinarazi zuen publikoki Espainiak 1.513 milioi euro erreklamatzen zituela.

Zer eskatu zuen Nafarroak? Nafarroaren ustez 2007tik 2011ko itzulpenak legezkoak ziren, eta gatazka konpontzeko prozedura Itun Ekonomikoaren koordinazio batzorde bidez egitea eskatu zuen.

Ados al zen Montoro? Urrian kontzesio hori egin eta helegitearen aukera behin-behinean etetea erabaki zuen. Bi aldeek erabaki zuten auzia koordinazio batzordean negoziatzea. Era berean, eskakizuna 800 milioi eurora jaitsi zuen.

Zer hitzartu da orain? 2012ko apirilera bitarteko akordioa zuzena zela, eta etorkizunean antzeko gatazkak bideratzeko prozedura ezarri da, era berean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Oiartzungo lan heriotza salatzeko elkarretaratzea, Larranben industriagunean. ©LAB

Oiartzungo lan heriotza salatu dute sindikatuek

Julen Otaegi Leonet

Administrazioari galdegin diote erantzukizuna hartzeko lan istripuen inguruan. Aurten 50 langile hil dira lanean ari zirela, sindikatuen arabera.

Altzairutegiak ere larri dabiltza ekoizpenari eusteko. Irudian, labe garai bat Duisburgen, Alemanian. ©FRIEDEMANN VOGEL /  EFE

Energia garestiak ekoizpena geldiaraziko du Europako bi galdategitan

Irune Lasa

Herbehereetako zink fundizio batek iragarri du irailean itzaliko dituela labeak. Eslovakiako Slovalco aluminio galdategiak gaur esan du produkzioa etengo duela. Energiaren erabileran oso intentsiboak diren lantegiak larri dabiltza Europan.

Arrantzale batzuk Getariako portuan, hegaluzea deskargatzen. ©GORKA RUBIO / FOKU

«Normaltasunera» itzuli da hegaluzearen arrantza sasoia

Jokin Sagarzazu

Aurtengo kuotaren %53 arrantzatu dute; iaz, abuztu hasieran amaitu zuten osorik. Garestiago saltzen ari dira Bizkaiko eta Gipuzkoako lonjetan, eta baliteke kanpainak irail amaierara arte irautea

EBZko presidente Christine Lagarde, artxioko irudi batean. ©RONALD WITTEK / EFE

Euriborrak %1 gainditu du abuztuko lehen erdian

Xabier Martin

Hipoteken interesak finkatzeko erabiltzen den erreferentzia nagusia gora eta gora doa

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...