Zonifikazioa kentzeko eskatu du Kontseiluak

Nafarroako Parlamentuan atzo izandako saioan, han ziren gonbidatu gisa aldaketa eskatu duten udalerri batzuetako ordezkariak eta euskalgintzako eragileetakoak. Aldaketa handiagoa aldarrikatu du Kontseiluak. Paul Bilbao idazkari nagusiak gogorarazi du eremu aldaketa eskatu duten udalen mozioan badela beste eskari bat ere: ofizialtasuna Nafarroa osora zabaltzea. Zonifikazioa kentzeko eskatu du Kontseiluak: «Oraindik ere nafar guztiak ez dira berdinak legearen aurrean, eta hori onartezina da XXI. mendean eta gutxiago aldaketaren gobernuaren eskutik». Euskaltzaindiak pausotzat jo du lege aldaketa; uste du euskararen aldeko jarrera sendotzen ari dela Nafarroan.