Donostiako Nazioarteko 65. Zinemaldia. BASQUEWOOD

Handia, txikia, pareak eta jokoa

Urtzi Urkizu

2017ko irailak 26
Irudika dezagun mus partida bat Sail Ofizialeko euskarazko filma komentatzeko. Apustuan, diru asko. Jendetza karta jokalariei begira. Hara, ba, karta onak atera zaizkie Moriartiko lagunei.

Handira enbido, eta eduki. Altzoko erraldoia nola pantaila handira eraman, efektu berezi zainduak, XIX. mendeko girotzea. Ez zen erronka makala. Kartetan, ordea, erregeak atera dira. Handira puntu guztiak poltsikoratu dituzte.

Txikira tantoren bat bai, behintzat. Detaile txiki zaindu askorekin osatzen da pelikula. Osagai artistiko guztiak dira txikira irabazi direnak, filma borobilago egiteko. Txikia eman dezake bi protagonisten aitaren rolak, baina goraipatzeko modukoa da Ramon Agirreren interpretazioa. Lau hankako animalien parte hartzea ere txikitzat jo daiteke, osotasunean, oharkabeko lana dirudi. Halako txikitasunak ondo lotu gabe, ordea, ez zen ekoizpena aurrera aterako.

Pareak, bai. Enbido, bost gehiago, eta eduki. Bi anaiak, Joakin eta Martin. Sekulakoa Eneko Sagardoi eta Joseba Usabiagaren lana. Sakona bi anaien arteko harremanaren kontakizuna. Dupleak atera dira pareetan. Egokitu dira filmak behar zuen horretara.

Jokoa, bai. 31 eskutik, eta hordago. Jokoa zen errealitateko pertsonaia bat fikziora eramatea. Mundu zaharraren eta berriaren arteko talkan mamia ateratzea. Bizitzan pertsonak nola egokitzen diren kontatzea, eta horretaz hausnartzea. Partidak bukaerako zer emaitza izango duen ikusmina ez zen txikia. Hiru errege, batekoa, 31, eta partida irabazia.

Urriaren 20a iritsiko da, eta partida herriz herri eta hiriz hiri zabalduko da. Migel Joakin Eleizegik XIX. mendean ezagutu zituen hiri haietan ere ikusiko dituzte kartak. Toki haietatik harago ere bai. Eta sentituko dute Moriartikoek irabazi dutela handira, txikira, pareetara eta jokoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna