Albistea entzun
Emakumeen aurkako indarkeriari ez
Emakumeen aurkako indarkeriari ez

Martxoak 8: greba feminista

Nafarroa. Merkataritzak ere sumatu du emakumeen astindua

Kontsumo ereduak «emakumeen prekarizazioa» indartzen duela salatu dute grebalariek. Tentsio uneak izan dira El Corte Inglesen inguruan. Saltokiz saltoki ibili dira piketeetan. Bideoa albistearen amaieran.

Saltoki kate handien aurrean protestak egin zituzten, eta horietako batzuk itxi ere egin zituzten.
Saltoki kate handien aurrean protestak egin zituzten, eta horietako batzuk itxi ere egin zituzten. IKER TUBIA Tamaina handiagoan ikusi

Ion Orzaiz -

2018ko martxoak 9 - Iruñea

«Patriarkatua eta kapitala, aliantza kriminala»; «Kapitalismoa suntsitu»; «Inditex, ez erail Bangladesh»... Aldarri feministekin batera, lelo antikapitalistek eta arrazakeriaren aurkakoek ez zuten etenik izan atzo Iruñeko kaleetan. Nafarroako mugimendu feministak argi du zein den lubakia, eta aurtengo Martxoaren 8an erakutsi du borroka feministaren jo-puntuan daudela «emakumeen prekarizazioa eta pobrezia sustatzen duten enpresa handiak» edota «migratzaileei hesiak jartzen dizkieten gobernuak». Ertz anitzeko aldarrikapen horretan txertatu zuten atzoko kontsumo greba ere.

Goizean goizetik, grebalariek estu hartu zituzten Nafarroako hirietako eta herrietako saltoki handiak. Pikete informatiboak antolatu zituzten merkataritza gune handietan nahiz Iruñeko Alde Zaharrean: saltokietara sartu, eskuorriak banatu, eta greba egiteko arrazoiak azaldu zituzten manifestariek. Aldea nabari zen saltoki batzuen eta besteen artean: denda txiki asko itxita egon ziren egun osoan, eta greba feministaren aldeko afixak paratu zituzten erakusleihoetan. Frankizietan eta saltoki handietan, ordea, ez zuten pertsiana jaitsi.

Piketeak El Corte Ingles merkataritza gunera iritsi zirenean hasi ziren istiluak. Espainiako Poliziak zaintza dispositibo berezia ezarria zuen: furgoneta bana eta hainbat polizia saltokiko ate bakoitzean. Grebari buruzko eskuorriak uzten saiatu ziren manifestariak, baina bultzaka atera zituzten poliziek. Oihu, txistu eta eltze jotze artean alde egin zuten piketeek, baina ez zuten amore eman: arratsaldean itzuli ziren, eta giza katea egin zuten eraikinaren inguruan. Afixak, bularretakoak eta konpresak ere itsatsi zituzten El Corte Ingles saltokiko erakusleihoetan, «edertasun kanonaren estereotipoak» salatzeko. Protesta ekintza egin zuten bitartean ez zen saltokian bezerorik sartu. Hori ikusita, Espainiako Poliziak emakumeetako bat identifikatu zuen, eta isunak jartzeko mehatxua egin zien grebalariei. Ordurako, baina, helburua betea zuten feministek, eta elkarretaratzea bertan behera utzi zuten.

Horren ondoren, Karlos III.a etorbidera joan ziren, eta beste arropa denda batzuen aurrean egin zuten protesta. Bershka saltokiko pertsiana jaistea lortu zuten manifestariek.

Multinazionalak jomugan

Izan ere, Martxoaren 8ko koordinakundeak ezinbestekotzat jo zuen kontsumoaren inguruan gogoeta bultzatzea: «El Corte Ingles eta horren gisako saltoki handietako langile gehienak emakumezkoak dira, eta oso baldintza prekarioetan lan egiten dute, greba egiteko eskubiderik gabe. Bestalde, multinazionalek beste herrialde batzuetako emakumeak esplotatzen dituzte; miseriara bultzatzen dituzte, guk hemen zapatak merkeago eros ditzagun. Horregatik, sistema kapitalistaren inguruan hausnarketa bultzatu nahi dugu», azaldu zuen M8ko antolatzaile batek.

Merkataritzaz harago, ordea, egun historikoa izan zen atzokoa Nafarroan. Milaka eta milaka lagun batu ziren Iruñeko protesta nagusietara, bai eguerdiko elkarretaratzera, baita iluntzeko manifestaziora ere. Eguerdian, Sarasate pasealekuak gainezka egin zuen: auzoetatik eta inguruko herrietatik zutabeetan igo ziren Alde Zaharrera, eta morez margotu zituzten hiriburuko kaleak.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.
Jainkosaz aldatzeko prest al gaude?
Indarkeria matxistaren kontrako protesta bat Gasteizen, artxiboko irudi batean. ©Jaizki Fontaneda, FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...