Errusiako Munduko Kopa

Errusiak eskura du sailkapena, eta Poloniaren hutsak baliatu ditu Senegalek

Ainara Arratibel Gascon -

2018ko ekainak 20

Polonia 1-2 Senegal

Golak. 0-1: Cionek bere atean (38. min). 0-2: Niangek (60. min). 1-2: Kritxowiakek (86. min).

Errusia 3-1 Egipto

Golak. 1-0: Fathik bere atean (47. min). 2-0: Txerixevek (59. min). 3-0: Dzyubak (61. min). 3-1: Salahk penaltiz (73. min).

Festak aurrera segitzen du Errusiarentzat. Atzo beste garaipen ikusgarri bat lortu zuen, Egiptoren kontra: 3-1, eta hanka eta erdi dauka final-zortzirenetan. Egipto, berriz, ia kalean da. Txerixeven eta Dzyubaren abiadura erabakigarria izan zen berriro. Etxeko selekzioaren datuak ikusgarriak dira: zortzi gol alde eta bat kontra.

Gol guztiak bigarren zatian ailegatu ziren. Zori gaiztoko jokaldi batean Fathik bere atean sartutako gol baten ostean (47. min), Txerixevek eta Dzyubak ia erreskadan sartutako gol banari esker (59. eta 61. min) ia erabakita utzi zuten lehia: 0-3. Txerixevek hiru gol daramatza Munduko Kopan. Cristiano Ronaldorekin, txapelketako golegilerik onena da.

Egipton, sasoi betean egon ez arren, Salah izan zen onena. Hark sortu eta egin zuen bere selekzioaren gol bakarra, penaltiz. Hasieran epaileak kanpoan adierazi zuen falta, baina VARak penaltia zela berretsi zuen. Hortik aurrera Errusiak emaitzari eusten jarri zituen indarrak, eta Egipto nahi eta ezin aritu zen.

Bestalde, Senegalek ederki baliatu zituen Poloniak egindako bi opari, eta garaipen baliotsua lortu zuen. Fisikoki zuen nagusitasuna baliatuz, sendo aritu zen defentsan eta bizi irten zen kontraerasoan. Halak Manek Gueyeriri aukerako baloia utzi zion. Cion gola eragozten saiatu zen, baina bere atean sartu zuen baloia (38. min).

Are larriagoa izan zen poloniarren golean egindako hutsegitea: 60. min). Kritxowiakek pase txarra eman zuen atzera, Szczesni atezainak atezainak zalantza egin zuen irteeran, eta bizi zetorren Niangek baliatu egin zuen. Kritxowiakek egin zuen poloniarren gol bakarra, buruz (86. min).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna