Jihadismoari aurre egiteko, Urkulluk talde bat osatu du

«Jihadismoaren fenomenoari erantzun oso bat» emateko asmoarekin, Eusko Jaurlaritzak lantalde bat osatu du. Josu Erkoreka bozeramaileak jakinarazi zuen atzo Iñigo Urkullu lehendakariak, Cristina Uriarte (Hezkuntza), Beatriz Artolazabal (Enplegua) eta Estefania Beltran de Heredia (Segurtasuna) kontseilariak eta Jonan Fernandez Bizikidetzarako idazkaria direla kide. Neurriak hartuko dituzte «arriskuan» dauden migratzaileak integratzeko. Erkorekak nabarmendu zuen beharrezkoa dela «Polizia autonomikoak» Europako foroetan egotea.