Albistea entzun

Patxi Zamoraren aurkako «jazarpen ideologikoa» salatu du Kontuz-ek

Iberian 31 urtez lan egin ondoren, Guardia Zibilak hegazkinetan sartzeko baimena ukatu egin dio
Mahaian eserita, Leire Martin abokatua eta Patxi Zamora, eta atzean Kontuz-eko hainbat kide.
Mahaian eserita, Leire Martin abokatua eta Patxi Zamora, eta atzean Kontuz-eko hainbat kide. IÑIGO URIZ / ARGAZKI PRESS Tamaina handiagoan ikusi

Joxerra Senar -

2018ko urtarrilak 20 - Iruñea

«Patxi Zamorak ez du hemen bere bizitza guztian lan egingo». Guardia Zibilaren buruzagi batek erantzun hori eman zien Iberiako zuzendariei. Kontuz elkarteko eledunak Iberia konpainiako hegazkin zerbitzari gisa lan egin du 31 urtez jarraian. Aireportuetako langileek hegazkinetan sartzeko baimen bat behar dute, eta Zamorari azaroaren 22an Guardia Zibilak baimena atzera bota zion, «ezgai» zela ebatzita. Iberia erabakiaren aurka azaldu arren, bere lanpostutik kaleratu du azkenik, eta Kontuz elkarteak «jazarpen ideologikoa» salatu du. Taldearen arabera, Nafarroako Kutxaren inguruan egindako salaketek min handia egin zieten Nafarroan garai hartan agintzen zutenei, eta horietako batzuek «zitalkeriaz eta mendekuz» jokatu dute Zamoraren aurka.

Atzo goizean prentsaurrekoa zuen deituta Kontuz elkarteak, eta ustelkeria kasu «oso larri» baten berri emango zutela aurreratu zuen. Agerraldian zehaztu zuten gero kasuaren larritasuna. «Ustelkeria ez da soilik diru publikoa ebastea. Baliabide publikoak babesgabe diren herritarren aurka jotzeko erabiltzea ere ustelkeria da», aipatu zuen Patxi Zamorak berak.

Zergatiari buruz ez dute zalantzarik ez bere gertukoek ez Iberia konpainiako zuzendariek ere: argi dute Kontuz-en egindako ikerketa lanagatik kendu diotela baimena. «Kontu pertsonal bat baino ez dela ematen du, baina gizarteari egin beharko zaio galdera: nor ausartuko da ustelkeria salatzera?».

Patxi Zamoraren arabera, erabakia erabat arbitrarioa izan da. Zenbaitetan hegazkinetan sartzeko baimen hori erretiratu egin ohi zaie langile batzuei diziplina neurriengatik, baina erabaki hori beti espediente baten bitartez justifikatu behar da, abokatu madrildar batek Zamorari azaldu dionez. Kasu horretan ez dago azalpenik. Baimena, gainera, betiko kendu diote.

Hasieran, harritu egin zen, eta informatika arazo soil bat baino ez zela uste zuen. Iberian ere zur eta lur geratu ziren. Administrazioaren barruan urrats guztiak egin ditu egoera konpontzeko asmoz, eta hainbat ate jo ditu: Guardia Zibila, Barne Ministerioa, Aireportuetako Segurtasuna... Erakunde bakar batek ere ez dio azalpenik eman.

Haatik, ez Zamorak ez Kontuz-ek ez dute besoak gurutzatuta geratu nahi. Baimena kendu dion Guardia Zibilaren buruzagiaren identifikazio zenbakia dute, eta salaketa jartzeko asmoa dute Espainiako Barne Ministerioaren aurka.

Patxi Zamorak gogora ekarri duenez, Nafarroako Kutxaren inguruko ikerketak deserosotasun handia eragin zien Nafarroako zein Espainiako hainbat buruzagi esanguratsuri. Adibidez, kutxako gobernu organoetan erabaki nagusiak hartzen zituztenetako bat Mayor Orejaren garaiko Barne Ministerioko goi karguduna da, baina, gainera, UPNko agintari ohiek ere erlazio onak dituzte estatuko goi agintariekin. «Indartsu sentitzen dira berriro». Hala ere, ohartarazi die amaieraraino ikertuko dutela. «Haien aurka itzuliko da».

Botere harreman horien inguruko anekdota gisa 2014ko martxoko pasarte bat ekarri du gogora. Yolanda Barcinaren aurkako zentsura mozioa aurkezteko prest azaldu zen PSN. Egun haietan UPNrekin erlazionatutako Madrilgo nafarren zirkulua Espainiako erregearekin batzartu zen egoera politikoagatik kezkatuta. Felipe Borboikoak lasaitasuna eman zien, Alfredo Perez Rubalcabak PSOEko orduko idazkari nagusiak bermatu baitzion Roberto Jimenezek ez zuela ezer egingo.

Babesa eskatu du

Zamorak uste zuen Kontuz-en aurka kereila bat jarriko zutela. «Zilegitzat jotzen dut ere, baina ez genuen uste halako baldarkeriarik egingo zutenik». Horregatik, gertatutakoa salatzeko eskatu die aldaketa sostengatzen duten alderdiei. 2015eko abenduan Aldaketa koalizioaren Senatuko hautagai izan zen Patxi Zamora. Era berean, laster agiri bat kaleratuko dute kazetariek sina dezaten. Gainera, sindikatuei ere babesa eskatu die langile bat bidegabeki kaleratu dutelako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gure Esku-ren aurkezpena Baionan ©Berria

Pirinioetako Bidean parte hartzera deitu dute Baionan

Ekhi Erremundegi Beloki

Ipar Euskal Herriko hainbat pertsona ezagunek babestu du Gure Esku-k Kataluniako beste plataforma batzuekin batera antolatutako ekimena

Gure Eskuren agerraldia urtarrilaren 29an, uztailaren 2ko egitasmoa aurkezteko. ©Marisol Ramirez / Foku

Aragoiko presidenteak dio uztailaren 2an ez duela onartuko «zaborrik» Pirinioetan

Jon O. Urain

Gure Esku-k eta Kataluniako eragile batzuek mobilizazioa dute uztailaren 2an; asmoa da Pirinioetako 300 bat tontor argiztatzea.

Josu Urrutikoetxea, 2020an, Parisen, BERRIArentzat ateratako argazki batean. ©Eñaut Castagnet

Espainiako Auzitegi Nazionalak epaiketarako data jarri dio Josu Urrutikoetxeari: 2024ko urtarrila

Maddi Ane Txoperena Iribarren

1987an Zaragozako Guardia Zibilaren kuartelaren aurka egindako atentatua leporatuta epaituko dute, urtarrilaren 9an, 10ean eta 11n. 2.354 urteko kartzela zigorra eskatuko diote.

Pedro Sanchez, gaur goizeko saioan, Espainiako Kongresuan. ©JUAN CARLOS HIDALGO / EFE

Sanchezek ukatu egin du Espainiako Poliziak eta Guardia Zibilak Pegasus softwarea dutela

Iosu Alberdi

Kataluniako Gobernuarekin eta ERCrekin hitz egiteko prest agertu da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...