Winnie Madikizela-Mandela

Izenean zeraman borrokarako izana

'Apartheid'-aren kontrako borrokaren azken ikurretako bat hil da. ANC alderdiko diputatua zen, eta, pasarte ilunak gorabehera, nazioaren amatzat zuten herritar askok.
SODD ANDERSEN / EFE

Kristina Berasain Tristan -

2018ko apirilak 3

Winnie Mandela gisa izan da ezaguna, baina benetako izenak eman zion izana. Nomzamo-k, zuluera hizkuntzan, borrokan egiten duena esan nahi du, eta, beste ezeren gainetik, hori izan zen; ekintzailea, apartheid-aren kontrako borrokaren ikono nagusietakoa. Nabandle Nomzamo Winfreda Madikizela (Bizana, Hegoafrika, 1936) atzo hil zen, 81 urte zituela, gaixotasun luze baten ondorioz.

Johannesburgora Gizarte Lanak ikastera joan zenean ezagutu zuen senarra izango zuena, autobusaren zain zegoela. 1957. urtea zen, eta handik urtebetera ezkondu zen Nelson Mandelarekin. Madiba handik bost urtera sartu zuten preso, eta kartzelan eman zituen 27 urteetan emazteak hartu zuen haren lekukoa, erresistentziaren ikur bihurtuz. Madikizela ere preso sartu zuten hainbatetan —491 egunez egon zen kartzelan—, tarteka bakartuta eta torturatuta.

Mandela kartzelatik atera zen egunean, eskutik elkarri helduta agertu ziren, baina handik bi urtera banandu ziren, senarra herrialdeko lehen presidente beltza bilakatu baino bi urte lehenago. Madikizela, baina, politikagintzan aritu zen gerora ere, ministrorde gisa hasieran eta diputatu modura gaur egun arte.

Nazioaren amatzat zuten askok, baina haren bizitzak pasarte ilunak ere izan zituen. 1980ko hamarkadan, borroka gogortu zenean, indarkeria bultzatzea egotzi zioten, tartean adingabe baten heriotza. Ustelkeria kasuetan ere murgilduta egon zen.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Vladimir Putin, Errusiako presidentea, artxiboko irudi batean. ©ALEXEI DRUZHININ / KREMLIN POOL / EFE

Errusiak COVID-19aren aurkako lehen txertoa erregistratu du

Munia El Marhoum Iruretagoiena

Vladimir Putin Errusiako presidenteak adierazi du «immunitate egonkorra» lortzeko modua ematen duela, baina Osasunaren Mundu Erakundeak arretaz hartu du albistea. Munduko kutsatu kopuruak hogei milioiren langa gainditu du gaur.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna