Albistea entzun

Bere buruaz beste egin du 16 urteko mutil transexual batek, Ondarroan

Chrysallisek elkarretaratzea egingo du gaur, Ondarroako Udalak babestuta, gaztea gogoratzeko
Adingabe transexualen eskubideen aldeko elkarretaratzea, Donostian.
Adingabe transexualen eskubideen aldeko elkarretaratzea, Donostian. J.C.R / ARP Tamaina handiagoan ikusi

Jon Rejado -

2018ko otsailak 17

Ondarroako (Bizkaia) 16 urteko nerabe batek bere buruaz beste egin zuen ostegunean; mutil transexual bat zen. Atzo eman zuen ezbeharraren berri Chrysallis Euskal Herriak, transexualitate egoeran dauden haur eta nerabeen gurasoak biltzen dituen elkarteak. Mina agertu zuen, ohar batean: «Borroka hau gizarte osoak galdu du, eta Ekairi ezin dio inork bizitza itzuli».

Chrysallisek gogora ekarri ditu nerabeak bizi izan zituen «eguneroko borrokak». Batetik, erroldan izen aldaketa lortzeko prozesuan zegoen. Bestetik, hormona tratamendua jasotzearen zain zegoen, Gurutzetako ospitalean. Horrekin batera, Chrysallisek gaineratu du adingabeak eskatu zuela formakuntza saio bat egiteko bere institutuan, eskola komunitateak uler zezan haren errealitatea, eta, ondorioz, errespeta zezan; baina ikastetxean ez zuten halakorik egin. «Eguneroko borroka asko. Nerabe batentzat gehiegi, oraingoan», ondorioztatu du aipatu idatzian.

Halako ezbeharrik berriz gerta ez dadin lan egiten jarraitzeko beharra berretsi du Chrysallisek: «Direnak izatea behin eta berriro ukatzen zaien ume eta gazte horiengatik guztiengatik». Zenbait lan ildo xehatu ditu, izena aldatzeko edota hormona tratamendua jasotzeko zain dauden adingabeekin oroituta. Baina bidean sakontzeko ere eskatu du elkarteak. Batetik, lege bat galdegin du, eta, bestetik, gizartean lan egitea: «Aniztasuna ulertu eta onartzen duen gizarte informatu baten alde borrokatuko gara, neska-mutil hauek dituzten ahalmen guztiak garatzea ahalbidetuko duena».

Save the Children erakundeak ere gertaera gaitzetsi du, eta familiari babesa eskaini dio. Halaber, gaineratu du «adingabe transexualen sexu nortasuna bermatu» behar dela, baita diskriminatzen ez dituztela ere. Administrazio publikoek «babes berezia» eskaini behar dietela gaineratu du, hiru ardatzetan oinarrituta: tratu berdintasuna eta diskriminaziorik eza; buru ongizatea; eta adingabeen interes gorenaren errespetua. Eva Silvan Save the Children Euskadiko arduradunak lege bat eskatu du LGTBI komunitateko adingabeak babesteko eta euren iritziak aintzat hartzeko. «Bakardadeak, onarpen faltak eta eta bizi duten minak eraman ditzakete Ekaik hartutako erabakien antzekoetara».

Elkarretaratzea Ondarroan

Euskal Herriko Chrysallis elkarteak elkarretaratzea egingo du gaur 17:00etan, Ekai gogoratzeko eta haren senideei eta gertukoei babesa adierazteko. Ondarroako Musika plazan izango da. Udala ere elkarretaratzera batu da, eta herritarrei parte hartzeko eskatu die. Halaber, doluminak adierazi dizkio nerabearen sendiari, eta «eskubide guztiekin eta inolako diskriminaziorik gabeko» herri baten alde lan egiteko «jarrera irmoa» berretsi du. Hiru dolu egun ezarri ditu udalak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Gerrari Ez plataformaren elkarretaratzea, gaur, Santurtzin ©Oskar_Matxin_Edesa/ Foku

Salatu dute Bilboko portutik Ukrainara gerra materiala bidaliko dutela

Iraia Vieira Gil

Espainiako Gobernuak bidalitako azken tankeak bihar aterako dira Ukrainarako bidean.Gerrarik Ez plataformak elkarretaratzea egin du Santurtzin, armak bidaltzearen aurka.

Emakume bat haurdun ©Orlando Barría / Efe

Praktiketan dauden irakasleen amatasun bajan «diskriminaziorik» ez egoteko eskatu diote Jaurlaritzari

Edurne Begiristain

EH Bilduk akordioa lortu du EAJ, PSE-EE eta Elkarrekin Podemos-IUrekin Eusko Legebiltzarrean: indarrean den araudia aldatzea galdegin diote Hezkuntza Sailari.

Patxi Lopez PSOEko bozeramailea eta Andrea Fernandez Berdintasun idazkaria, gaurko aurkezpenean. ©Daniel Gonzalez / EFE

PSOEk bere kabuz erregistratu du sexu askatasunari buruzko legea aldatzeko proposamena

Maite Asensio Lozano

Patxi Lopez bozeramailearen arabera, helburua da «lege on» baten «nahi gabeko ondorioak zuzentzea». Zigor tarteak moldatu dituzte, «jokabide batzuen larritasuna» jasotzeko.

Tobar eta Aranburu, gaur goizean, Bilbon ©LAB sindikatua

LABek hezkuntzako lan baldintzen inguruko akordio orokor bat eskatu du

Irati Urdalleta Lete

Sindikatuak eskatu du, besteak beste, hezkuntza publikoko lanpostu guztiak mantentzea eta itunpekorako sarbidea «gardena» izatea. Hezkuntza Sailari ohartarazi dio sindikatuen arteko mahaia bildu ezean grebara deituko duela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...