Presoen urruntzeari amaiera emateko eskatu du Eusko Legebiltzarrak

PP ez beste guztiak horren alde agertu dira. Eragindako mina aitortzeari «egoki» iritzi diote

Gotzon Hermosilla -

2018ko ekainak 14

PPk izan ezik, Eusko Legebiltzarreko talde guztiek sustatu dute EH Bilduk aurkeztutako adierazpen bat, euskal presoen urruntzearekin «desadostasuna» agertu eta «espetxe politika berria» eskatzeko, «zeinak modua jarriko lukeen zigorrak errotze lekuetatik urrun ez betetzeko». Urruntzea ez ezik, presoen bakartze politika ere gaitzetsi du legebiltzarrak. Xabier Rey euskal presoaren heriotzaren harira aurkeztu zuen EH Bilduk legez besteko proposamena, eta Giza Eskubideen Batzordean eztabaidatu eta onartu dute.

EH Bilduren jatorrizko testuaz gain, hari EAJk eta PSE-EEk aurkezturiko zuzenketa ere onartu du legebiltzarrak. Zuzenketa horretan, talde parlamentarioek azaldu dute beharrezkoa dela «bizikidetza politiketan» aurrera egitea, eta horretarako «egokia» litzatekeela «eragindako mina aitortzea». Puntu honetan PPk ez du kontrako botorik eman aurrekoan bezala, eta abstentziora jo du; gainerako talde guztiek aldeko botoa eman dute.

EAJko legebiltzarkide Iñigo Iturratek gai honetan dagoen «adostasun zabala» nabarmendu du, eta mina aitortzearen inguruko aipamena onartu izanari ere «aurrerapauso» iritzi dio. EH Bilduko Julen Arzuagak, berriz, esan du ez dagoela aitzakiarik indarrean dagoen espetxe politikari eusteko, eta «bizikidetza eta normalizazio politikoan» aurrera egingo bada «ezinbestekotzat» jo du espetxe politika hori amaitzea.

Arzuagak kargu hartu dio PPri presoen urruntzea «txalotzeagatik», eta gogorarazi die Xabier Reyren heriotzaren ondorioz aurkeztu zutela legez besteko proposamena: «Espetxe politika hori izan zen Reyren bizia ebaki zuen labana», erantsi du.

Elkarrekin Podemosen izenean, Pili Zabalak esan du presoei ezartzen dieten «salbuespen politika» bertan behera utzi behar dela «behingoz». Gogora ekarri du ETAk duela sei urte eten zuela bere jarduera, eta aurten desegin egin dela.

PSE-EEko Rafaela Romerok esan du bere alderdia «beti» egon dela presoen urruntzearen kontra, eta neurri hori bertan behera uztea «Espainiako legeria betetzea» baino ez litzatekeela izango. «Legea betetzea ez da amore ematea», erantsi du.

PPko Carmelo Barriok, aldiz, «EH Bilduri laguntzea» leporatu die EAJri eta PSE-EEri, eta esan du urruntzea «legezkoa» dela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna