Nahitaezko soldadutza itzuliko da Ipar Euskal Herrira

Macronek iragarri du soldadutza berrezarriko duela. Ez du xehetasunik eman; iragarri du aurrekontu bereizia izango duela. Erabakiak Frantziako defentsa «hobetzea» du helburu
Emmanuel Macron, atzo, armadako ordezkariekin.
Emmanuel Macron, atzo, armadako ordezkariekin. CLAUDE PARIS / EFE Tamaina handiagoan ikusi

Ander Perez Zala -

2018ko urtarrilak 20

Nahitaezko zerbitzu militarra itzuliko da Ipar Euskal Herrira. Oraindik ez du datarik finkatu, baina Frantziako presidente Emmanuel Macronek iragarri du soldadutza berrezarriko duela. Iazko presidentetzarako hauteskundeetan egin zuen proposamena, eta atzo berretsi zuen asmoa —gehiengo osoa du parlamentuan—, Frantziako militarren aurrean egindako hitzaldi batean. Aurrekontu bereizia izango du zerbitzuak, eta hainbat ministerio arduratuko dira martxan jartzeaz eta hura kudeatzeaz; horrez gain, ez du eman xehetasun gehiagorik.

Frantziako presidenteak iaz esandakoa kontuan hartuta, «zerbitzu nazional unibertsala» hilabetekoa izango da, eta 18 urte bete ondoren egin beharko dute gazteek —eta 21 urte bete baino lehen—. 1997an kendu zuen soldadutza Jacques Chiracek, armada «profesionala» bilakatzeko helburuarekin; orain, soldadutza egingo dutenak «erreserba» baten parte izango dira, eta «krisi garaian» baliatuko lituzkete soilik. Suediak ere berriz ezarriko du aurten nahitaezko soldadutza —2010ean kendu zuen—.

Hilabete bukaeran, Frantziako Parlamentuko zenbait diputatuk txosten bat aurkeztuko dute gai horretaz, eta Macroni proposatuko diote soldadutza ezarri beharrean «bide herritarra» deituriko sistema bat abian jartzea. Proposamenetako bat litzateke 10 eta 16 urte artekoekin «sentsibilizazio aste bat» egitea urtean behin, Franceinfo-ren arabera.

Agintera iritsi zenetik, Frantziako defentsa «hobetzea» izan da Macronen helburuetako bat. 2025erako, BPG barne produktu gordinaren %2 erabili nahi du herrialdearen defentsarako. Aurten aurrekontua %1,8 igo du — 34.200 milioi eurokoa da—, eta datozen urteetan joera berari eutsiko dio.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Nekane Murga Jaurlaritzako Osasun sailburua agerraldi batean. ©Javier Etxezarreta/EFE

Murga: «Hau bigarren olatua da»

Olatz Esteban Ezkati

Azken orduetan nabarmen ugaritu dira kasuak Hego Euskal Herrian: 419 positibo atzeman dituzte, atzo baino 108 gehiago.

Aguraingo plaza. ©Aritz Loiola/FOKU

Aguraingo Kokolo eta Donostiako Ramuntxo Berri tabernetan izan direnei proba egitera joateko eskatu die Jaurlaritzak

Berria

Agurainen, uztailaren 29tik abuztuaren 2ra han egon zirenei egin die deia; Donostian, berriz, uztailaren 26tik abuztuaren 3raegondakoei.

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna