Trumpek hasi, Trumpek amaitu

AEBek EBko altzairuari muga zergak jartzea edo ez erabakitzeko epemuga iritsi da, itunik gabe

Ivan Santamaria -

2018ko maiatzak 1

Donald Trumpek hasi zuena Donald Trumpek amaituko du. Gaur arteko epea ezarri zuen AEBetako presidenteak Europako Batasunarekin eta beste hainbat herrialderekin altzairuari eta aluminioari jarritako muga zergak eztabaidatzeko. Iritsi da epemuga, eta zegoen lekuan dago pilota oraindik ere. Txinarekin hasitako gerra komertziala Europara hedatu edo ez: horra hor erabakia.

EBren erantzuna, hasieratik, berbera izan da. AEBen gertuko aliatua da blokea, eta ezin zaio leporatu merkatua altzairu merkearekin gainezka jarri izana. Hori dela eta, exijitu du behin-behineko atzerapena izan dena behin betiko salbuespen bihurtzeko. AEBetako administrazioak entzungor egin dio argudioari.

Aurreko astean, Europako agintariek Washingtonera eraman zuten eraso politikoa. Emmanuel Macron Frantziako presidentea lehenbizi, eta Angela Merkel Alemaniakoa ondoren, Trumpekin bildu ziren, merkataritza auzia bideratzeko asmoz.

Fronte horretan ezer gutxi aldatu zen batzarrekin. Trumpek bereari eutsi dio: Europak oso gaizki tratatzen dituela AEBetako produktuak, eta egoera hori amaitu behar dela. EBrekin —eta ez herrialdez herrialde— negoziatu beharrarekin ere kexatu da Trump. Ez Macronek, ez Merkelek ez zuten lortu AEBetako presidenteak argitzea zer erabakiko duen.

Okerrerako prest egon nahi du blokeak. Igandean telefonoz aritu ziren Macron, Merkel eta Erresuma Batuko lehen ministroa, Theresa May, erantzuna koordinatzeko asmoz. Denak bat datoz EBk ezin duela besoak gurutzatuta geratu Europako altzairuari %25eko muga zergak eta aluminioari %10ekoak jarriz gero.

EBren erantzuna, prest

Europako Batzordeko iturriek atzo azaldu zuten badutela «pazientzia», baina konponbiderik ezean «prest» daudela erantzuteko. Bruselak zerrenda luzea argitaratu zuen joan den martxoan, jopuntuan dituen balizko produktuekin. Ehunka ageri dira: motozikletak, bourbona, jantzi bakeroak, zigarretak, artoa, laranja zukua, makillajea eta ontziak daude jomugan, altzairuzko produktuekin batera. Guztien balioa 6.400 milioi eurokoa da. Hain zuzen ere, Europak iaz AEBetara egindako altzairu esportazioen balio bera. Kopuru eta produktu zehatzak aurrerago erabakiko dituzte, eta 90 egun pasa daitezke hartutako kontraneurriak indarrean sartu arte.

Muga zergetatik behin-behinean libratu zenetik, Europako Batzordea eta AEBak negoziatzen aritu dira, baina ez da izan aurrerapenik. Hainbat hedabideren arabera, Wilbur Ross Merkataritza idazkariak kuota sistema bat onartzeko eskatu du. 2016 eta 2017. urteetan esportatutako altzairuari %10eko murrizketa egitea nahi dute AEBek. Europak ezezkoa eman dio aukera horri, besteak beste, MME Munduko Merkataritza Erakundearen araudiek ez dituztelako baimentzen borondatezko murrizketak.

Auzia luzatzen bada Alemaniako autoei muga zergak jartzeko mehatxua egin du Trumpek.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna