Zupiriak adierazi du justiziak dioena onartu behar dela

IruñaVeleia auziari lotuta, justiziari «bere bidea» egiten utzi behar zaiola adierazi zuen, atzo, Bingen Zupiria sailburuak gaiari buruz galdetuta. «Dena dela, uste dut bere azterketak eta bere ondoriak egiten utzi beharko geniokeela zientziari, eta denok izan beharko genuke gaitasun eta jarrera bat zientziak erabakitzen duen hori onartzeko», erantsi zuen. Auzipetutako hiru lagunen aurkako akusazio idatziak aurreratu zituen atzo BERRIAk. Zazpi urte eta erdirateko zigorrak galdegin dituzte auzipetuentzat.