Parisi keinu eske, Urrutikoetxea aska dezaten

Frantziako hiriburuan agerraldi bat egin dute zenbait pertsona ezagunek. Justiziaren erabakia errespetatzea galdegin dute
Michel Tubiana, Anais de Courson eta Matt Carthy, atzo, Parisko prentsaurrekoan.
Michel Tubiana, Anais de Courson eta Matt Carthy, atzo, Parisko prentsaurrekoan. BERRIA Tamaina handiagoan ikusi

Ekhi Erremundegi Beloki -

2019ko ekainak 25

Hitzordu garrantzitsua izango du bihar Josu Urrutikoetxeak, Parisen: Espainiako Estatuak egindako estradizio eta euroagindu eskaeren harira, Frantziako Instrukzio Ganberan aztertuko dute haren kasua, eta, prozedura bukatu bitartean libre utzi ala behin-behinean preso sartu erabakiko du epaileak. «Frantziako prozeduretan libre dela kontsideratzen da», azaldu dute defentsa abokatuek. Nazioarteko pertsona ezagun batzuek Urrutikoetxea aske uzteko eskatu zuten atzo, Parisen, prentsaurreko bat emanda; «keinu» baikorrak galdegin dituzte .

Michel Tubiana LDH Giza Eskubideen Ligako ohorezko presidentea, Matt Carthy Sinn Feineko eurodiputatua, Jacques Gaillot apezpikua, abokatuak eta Josu Urrutikoetxearen seme Egoitz izan dira prentsa agerraldian. Christiane Taubira Frantziako Justizia ministro ohiaren bideo bat ere zabaldu dute, eta Anais de Courson frantziar aktoreak Gerry Adamsek eta Ronnie Kasrilsek Le Monde-n idatzitako artikulua irakurri du. Parisko Dei Auzitegiak joan den astean Urrutikoetxea kontrol judizialpean libre uztea erabaki ondotik, egun berean berriro presondegiratzeko Parisek hartutako erabakia deitoratu dute agerraldian, eta keinuak eskatu dizkiote Frantziako Gobernuari.

«Nola segitu gerlan gudaririk gabe?», galdetu du Michel Tubianak. «Noren kontra? Zeren alde? Ez dakigu oso ongi, ez bada mugimendu baten kontrako garaipen bat irudikatu nahia». Urrutikoetxearen atxiloketa Frantziako eta Espainiako estatuen «eskergabekeriaren adibide ona» dela erran du, hark «bake prozesuan hertsiki» parte hartu duelako. «Pieza nagusi bat izan da. Estatuekin elkarrizketa saioak izan ditu, eta horregatik ezagutua da». Atxiloketa «nahasgarria eta arduragabea» izan dela azaldu du.

Aurki ateratzekoa da Thomas Lacoste zinemagilearen Hypothèse Démocratique, une histoire du conflit basque filmarentzat (Hipotesi demokratikoa, euskal gatazkaren historia bat), elkarrizketa egin zioten orain dela hilabete batzuk Taubirari. Josu Urrutikoetxeari buruz mintzo da bertan, eta pasarte hori erakutsi dute Parisko prentsaurrekoan. ETAko kide historikoaren ibilbidea oroitarazi, eta keinuak eskatu ditu. «Gudariak gudari gisa aitortzen ditut, ez biktima gisa. Josu Urrutikoetxeak enfrentamendu militarretik ateratzea ahalbidetu duen heinean —izan dituen hildakoekin, izan dituen torturekin, izan dituen urraketekin, baita legeen zaintzaile direnen aldetik ere—, kontuan hartu behar dugu. Kausa horren hautuan izan duen ausardia kontuan hartzen dugun hein berean, gatazkaren eta bere ondorioen konponbideari ekarpena eginez izan duen indar morala ere kontuan hartu behar da. Zentzu horretan erraten dut keinuak egiteko espazioa dagoela».

Matt Carthyk Sinn Feineko eurodiputatuak ere hartu du parte agerraldian, eta Irlandako Ostiral Santuko akordioak gogoratu ditu. «Argiki erran dezaket: gudarien rola gabe ez zen bake prozesurik izanen Ipar Irlandan. Momentuan popularrak ez ziren ekintza ausartak egiteko gobernuaren borondatea gabe ere ez. Garrantzitsua da gobernua keinu ausartak egiteko gai izatea».

Osasun egoera kezkagarria

«Auzitegiak kontsideratu zuen aitak auzira agertzeko berme nahikoa eman zuela», erran du Egoitz Urrutikoetxeak. Era berean, kezkatua agertu da aitaren osasunagatik, eta lehenbailehen ebakuntza egin behar diotela azpimarratu du. «Hura askatzea ezinbestekoa da. Galdetzen dugun gauza bakarra da erabaki politiko baten aitzinean justizia erabaki bat aplikatzea».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna