Albistea entzun

Euskal presoak. EPPKren agiria

Ruizen aferan, sektore baten jarrera gaitzetsi du EPPK-k

Enekoitz Esnaola -

2020ko maiatzak 30

EPPK ere mintzatu da Patxi Ruiz euskal presoaren aferaz. BERRIAra helarazitako agiri batean, Euskal Preso Politikoen Kolektiboak esan du Murtzia II kartzelan (Espainia) dauden bere kideak saiatu direla Ruiz laguntzen, baina Euskal Herriko «sektore jakin batek» egoera baliatu nahi izan duela EPPKri, EH Bilduri, Etxerat-i, Sareri eta Sorturi «erasotzeko». «Oso larria da».

Ruizek gose grebako 19. eguna bete zuen atzo, Murtzia II-n. AEM Amnistiaren Aldeko eta Errepresioaren Aurkako Mugimenduak dio lehen hamabi egunetan egarri greba ere egin zuela; aldiz, estatuko espetxe administrazioko iturriek ez dute aipatu izan halakorik. «Borroka politikoa» hasi eta egun batzuetara zabaldu zituen aldarrikapenak Ruizek; besteak beste, bere osasuna bermatzea espetxeak, eta euskal preso guztiak Euskal Herriratzea. Mobilizazioak izaten ari dira Euskal Herrian —gaur, kasurako, manifestazioak izango dira Baionan, Bilbon, Gasteizen, Iruñean eta Donostian—; PSE, Ahal Dugu, Sortu eta, batez ere, EAJren batzokien aurkako pintaketak egin dituzte; eta AEMk Sorturen eta EH Bilduren jarrera deitoratu du.

Zehaztu ez duen talde baten jokabidea gaitzetsi du EPPK-k, «zenbait informazio ezkutatzea eta asmakizunak hedatzea» egotzita. «Patxi Ruizen muturreko erabakiaren aurrean sektore jakin batek izan duen jokabidea oso larria da. EPPK-ko kideei, EH Bilduri, Etxerat-i, Sareri eta Sorturi erasotzeko baliatu nahi izan du egoera, Patxiren egoera konpontzeko ezer ez egitea egotziz, eta, areago dena, egoera orokorraren errua ere leporatuz». Haren esanetan, «zenbaiten lehentasuna» aipatutako eragile horien kontra egiteko presoaren egoera erabiltzea da. «Estualdian eta egoera larrian den preso bati laguntzeko modu eraginkorrak bilatu eta lantzea baino erosoagoa zaie EPPKri eta orokorrean ezker abertzaleari erasotzea». Era berean, deitoratu du presoen egoeragatik kezkatzen den jende askoz ere baliatzen saiatu direla.

Ruizek maiatzaren 11n hasi zuen protesta, eta EPPK-k dio Murtzia II-n dauden kolektiboko kideek «lehen momentutik» eskaini ziotela «elkartasuna eta laguntza». «Osasuna lehenesteko gose eta egarri greba utz zezala eskatu zioten». Euskal presoaren egoerari «konponbidea» emateko «exijitu» diote kartzelako zuzendaritzari.

Kartzela politikaren ondorio

Ruizen egoera «salbuespenezko espetxe politika ankerraren ondorioa» dela iritzi dio EPPK-k. Esan du beste kide asko daudela egoera okerrean, eta jakinarazi du COVID-19aren garaian «zoritxarreko» beste hiru gertakari izan direla haien artean. Horietako bat aipatu du, publiko egina dena: Julen Atxurrarena. «Pandemiaren ondorioz ezarritako itxialdia itxialdi bikoitz bilakatu da euskal preso politikoontzat», adierazi du EPPK-k, eta nabarmendu preso zaurgarrienen kalterako dela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Senideek, Azpeitiko alkateak eta abokatuek egindako agerraldia, atzo, Azpeitiko udaletxean (Gipuzkoa). ©JON URBE / FOKU

Pasaiako sarraskian hildakoen senideek auzia gizarteratu nahi dute

Iosu Alberdi

Harreman dinamika bat abiatuko dute martxoaren 28ra bitarte, instituzioek eta eragileek ere auzian eragin dezaten. Epaileak zazpi polizia deitu ditu martxoaren 28an identifikazio saio bat egiteko
Laura Pego eta Jeanette Ruiz Kriminologiaren Euskal Institutuko kideak, iaz landutako txostena eskuetan, Nafarroako Parlamentuan. Atzo eman zuten haren edukiaren berri. ©IÑIGO URIZ / FOKU

Torturari buruz «oraindik asko» dagoela ikertzeko nabarmendu dute

Joxerra Senar

Kriminologiaren Euskal Institutuak bere txostena aurkeztu du Nafarroako Parlamentuan. Laura Pego ikerlariaren arabera, kasu kopurua «garrantzitsua» da, eta azterlana «amaitu gabe» dago oraindik
Inma Jurio PSNko parlamentaria, atzo, Nafarroako Parlamentuan. ©IÑIGO URIZ / FOKU

PSNk ontzat eman du Nafarroako torturen eta tratu txarren txostena

Mikel Elkoroberezibar Beloki

Navarra Sumak esan du Poliziari «oso eskertuta» dagoela: «Baina torturatu duena ez da gutarra»
Alfredo de Miguel Arabako EAJko kide ohia epaitegira sartzen; hamabi urteko kartzela zigorra jarri diote. ©A.R. DE HIERRO / EFE

Jaurlaritzak baztertu egin du ustelkeriaren aurkako bulego bat sortzea

Xabier Martin

EH Bilduren ustez, ez da gobernuaren lehentasuna «ustelkeriaren aurka egitea». Jaurlaritzak uste du badela «egitura zabala» delitu horren aurka

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...