Txistua, orkestraren fantasian

Bost kontzertu emango ditu EOSek, Stephen Hough pianistak sortutako 'Agata' aurkezteko
EOSek Euskaraldiarekin bat egin zuen atzo, Santa Zezilia egunean.
EOSek Euskaraldiarekin bat egin zuen atzo, Santa Zezilia egunean. EUSKADIKO ORKESTRA SINFONIKOA Tamaina handiagoan ikusi

Andoni Imaz -

2018ko azaroak 23

Musikarien eguna izan zen atzokoa, Santa Zezilia, eta EOS Euskadiko Orkestra Sinfonikoak denboraldiko lehen estreinaldiaren berri emateko baliatu zuen. «Euskal fantasia» bat aurkeztuko dute: Stephen Hough pianista eta konpositoreak orkestraren enkarguz idatzitako Agata: a Basque Fantasy. Azaroaren 26an egingo dute lehen emanaldia, Gasteizen, eta hurrengo egunetan ariko dira Iruñean, Bilbon eta Donostian —bi egunean jarraian—.

Robert Treviño EOSeko zuzendariari eskaini dio Houghek lana. Bereizgarri nabarmena du: txistua orkestrarekin ariko da. Musika tresna bat gehiago izango da orkestraren partituran, eta flauten alboan eseriko da Garikoitz Mendizabal txistularia.

Santa Ageda euskal kanta tradizionala da Houghek sortutako zazpi minutuko konposizioaren oinarria, Italiako melodia batekin nahastuta. Lanaren hainbat zatitan hautematen da jatorrizko kantaren melodia, Hough sortzailearen arabera.

Abesti berezi hori jo ondoren, Houghek Antonin Dvoraken Piano eta orkestrarako kontzertua, Op.33, B.63 piezari helduko dio. Dvorak bohemiarrak Brahmsen omenez sortu zuen hura, eta, orkestrak berak adierazi duenez, gutxitan izaten da zuzenean entzuteko aukera.

Kontzertua bukatzeko, errepertorio britainiarreko lan entzutetsu bat eskainiko du orkestrak: Enigma bariazioak, Op.36. Lan horretan, Edward Elgar musikariak hamalau lagunen nortasuna irudikatu zuen, askotariko baliabideak erabilita. Gainera, oraindik konpondu ez den enigma bat sartu zuen lanean. Agata erupzioan du izena EOSen kontzertuak, eta sarrerak salgai daude.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna