Albistea entzun
Emakumeen aurkako indarkeriari ez
Emakumeen aurkako indarkeriari ez

Iparraldeko ikasleak orain arte legez ariko dira EHUn, Madrilek legea aldatu arren

UNEDek baxoko nota aintzat hartuz zehaztuko du ikasleen kalifikazioa.

Nota igotzeko, estudianteek selektibitateko zati bat egin ahalko dute
Ikasleak, selektibitatean, hil hasieran. Iparraldekoek ez dute egin beharrik azken urteetan.
Ikasleak, selektibitatean, hil hasieran. Iparraldekoek ez dute egin beharrik azken urteetan. JUANAN RUIZ / ARGAZKI PRESS

Garikoitz Goikoetxea -

2014ko ekainak 24

2018an izango da azken selektibitatea. Unibertsitatean sartzeko proba bat jartzea alferrekoa dela iritzita, kendu egingo du Espainiako Gobernuak —batxilergo bukaeran egingo du beste azterketa bat—, eta unibertsitateen esku utziko du aukeraketa egitea. Hori 2018an iritsiko da. Aurretik hasi da aldaketak egiten gobernua, ordea. Sistema hori aurten bertan ezarriko die «atzerriko hezkuntza sistema batean» aritu diren ikasleei. Aldaketa horrek bete-betean eragingo die Lapurdiko, Nafarroa Behereko eta Zuberoako ikasleei, Hegoaldera joan nahi badute unibertsitatera. Zentroen esku geratuko da sarbidea. Hartu dute erabakia Hegoaldeko bi unibertsitate publikoek: orain arteko sarbide sistemari eutsiko diote 2018ra arte, behin-behineko gisa.

Orain urte batzuk, selektibitatea egin behar izaten zuten Iparraldeko estudianteek, Hegoaldean ikasten hastekotan; atzerrikoen pare aritzen ziren, beste sistema batekoak zirenez gero. Aldatu da hori: azken urteetan baxoa hartzen diete aintzat, eta baliozkotzat jotzen dute hori gainditzea.

Espainiako Hezkuntza Ministerioak agindu bat argitaratu du, «atzerriko ikasleen» sarbidea aldatzeko. Finean, 2018tik aurrera Hegoaldeko ikasleek izango duten sarbidearen modukoa orain ezarriko diete ikasle horiei. Hots: batxilergoan edo haren parekoan lortutako nota, printzipioz, aski izango da unibertsitatean hasteko, zer eta unibertsitateak ez duen erabakitzen ikasleei beste probaren bat ezartzea. Zentro bakoitzaren esku egongo da sistema: dela proba gehiago jartzea, dela ikaslearen curriculumari erreparatzea, dela elkarrizketa bat pasaraztea.

Desabantaila Iparraldekoek

Iparraldeko ikasleen kasuan tramite bat gehiago izango dute. Ez dute zuzenean joko ikasi nahi duten unibertsitatera; UNED Urrutiko Hezkuntzako Espainiako Unibertsitate Nazionalera jo beharko dute, espedientea hartuta. Hark baieztatuko du Hegoaldean ikasteko baldintza guztiak betetzen dituztela, eta notak egokituko ditu Hegoaldeko hezkuntza sistemara. Hortik lortutako kalifikazioaren arabera izango dute sarbidea ikasleek. Espainiako barruti osorako balioko die notak.

Sistema horrek desabantailan ipiniko ditu, ordea, Iparraldeko estudianteak. Julian Agirre EHUko sarbide arduradunak azaldu du UNEDek noten egokitzapena egiten duela hamar punturen gainean. Hamarrekoa da nota handiena. Kontua da gaur egungo sistemarekin Hegoaldeko ikasleek hamalau puntuko gehienekoa lor dezaketela, selektibitatearen bi zatiak eginez gero —lehen zatia soilik eginda, hamar puntu; bigarrena ere eginez gero, hamalau—.

Horregatik, esku hartzea erabaki dute Hegoaldeko bi unibertsitate publikoek, EHU Euskal Herriko Unibertsitateak eta NUP Nafarroako Unibertsitate Publikoak. Aldaketarekin aukera izango dutenez sarbidea zehazteko, erabaki dute Iparraldeko ikasleei aukera jartzea selektibitateko bigarren zatia egiteko eta, Hegoaldekoek bezala, hamalau puntura arte eskuratzeko. Ez dute derrigor egin beharko; nota ona behar dutenentzako aukera da. Orain ere antzera gertatzen dela azaldu du Agirrek. 2018ra arteko eredua izango da, Hegoaldean sistema aldatu artekoa. «Oraingoz eutsiko diogu era honi. Gero zer gertatuko den, ezer hitz egin gabe dago».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Manifestarietako batzuk bandera moreak astintzen, Bulebarrean. ©JON URBE / FOKU

Ozen berriz: «Aski da!»

A. Iraola - I. Orzaiz - M. Asensio Lozano

Mugimendu feministak kaleak bete ditu bortxa matxistaren aurkako mezuekin. Justizia «feminista» aldarrikatu dute. Instituzioen elkarretaratzeak ere izan dira

Ikastetxe bateko korridorea eta ikasgela, artxiboko irudi batean. ©BIEL ALIÑO / EFE

Hezkuntza Legeari eginiko ekarriak, murgiltzetik «laikotasun positibora»

Irati Urdalleta Lete

35 eragilek eta norbanakok egin dizkiote zuzenketak Eusko Jaurlaritzaren Hezkuntza Legearen aurreproiektuaren lehen zirriborroari; euskarak eduki beharreko garrantzia da ardatzetako bat

<b>Txapa.</b> 'Ahobizi' txapa andre baten paparrean (artxiboko irudia). ©J.U. / FOKU

Euskarak, maitale asko eta etsai gutxi

Irati Urdalleta Lete

Nolako jarrera dute euskal herritarrek euskararen inguruan? EHUko NIK ikerketa taldearen esanetan, jarrerak onak dira orokorrean, baina badaude ahulguneak: zenbaitek mundu tradizionalarekin lotzen du oraindik ere euskara; ez, ordea, gai espezifikoekin edo lagunartean erabiltzearekin.
Indarkeria atxistaren aurkako elkarretaratze bat, Tuteran, artxiboko irudian ©Iñigo Uriz / foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.