Noiz sortua: 2018-04-14 00:30:00

Datorren asteko estreinaldiak

Estetika japoniarra eta animalien politika

Wes Anderson zuzendariak bigarren animazio filma egin du: 'Isle of Dogs'. 'Stop motion' teknika erabili du berriro
Txakur gripearen izurritearen ondorioz, txakur guztiak irla batera eramango dituzte.
Txakur gripearen izurritearen ondorioz, txakur guztiak irla batera eramango dituzte. BERRIA Tamaina handiagoan ikusi

Gontzal Agote -

2018ko apirilak 14

Estilo baten jabe izan, bada, baina zaila da Wes Anderson zinema zuzendaria genero jakin batean sailkatzea. Itxura naif-eko filmak egin ditu, baina, azpian, film horiek gizarteari zorrotz begiratzen diote. Hala, azken hamarkadotan zuzendariak harribitxi sailkaezin batzuk utzi ditu, hala nola The Grand Budapest Hotel, Moonrise Kingdom, The Royal Tenenbaums edota Life Aquatic filmak.

Batera eta bestera salto egin badu ere, zuzendari estatubatuarra eroso sentitzen da animazioan, eta orain molde horretako bigarren pelikula egin du.

Duela bederatzi urte, Wes Andersonek mundu guztia ahoa bete hortz utzi zuen Fantastic Mr. Fox maisulana egin zuenean; Roald Dahl idazlearen eleberri labur baten gainean eraiki zuen azeri familiaren istorio harrigarria.

Animazio digitala denen ahotan zegoen orduan; hark, ordea, erabaki zuen film bat egitea stop motion teknika erabilita, eta emaitza ezin hobea izan zen.

Isle of Dogs-ekin, zinemagilea stop motion-era itzuli da berriro ere. Aurtengo Berlingo zinemaldian aurkeztu zuen pelikula, eta zuzendari onenaren saria irabazi zuen. Dena den, Andersonek nabarmendu nahi izan duen bezala, halako lan bat talde lan zabal baten emaitza da ezinbestean.

Ez dira hitz hutsalak, jende berarekin lan egitea baita zuzendariaren ohitura. Aktoreen artean, haren pelikuletan ohikoak dira Adrien Brody, Jason Schwartzman, Bill Murray edo Owen Wilson. Oraingoan ez dago hezur haragizko aktorerik, baina, gidoia idazteko orduan, ohiko bi kideren laguntza izan du: Roman Coppolarena eta Jason Schwartzman berarena. Haiekin batera, Kunichi Nomura ere aritu da istorioari forma ematen.

Eragin ugari

Izan ere, Isle of Dogs Japonian dago girotuta. Ez du leku zehatzik aukeratu filmerako, baina kultura eta estetika japoniarraren osagaiez atondu dute dena. Akira Kurosawa eta maisu japoniarren mireslea da Wes Anderson, eta istorio honekin haiengandik ikasi dituen hainbat gauza eraman nahi izan ditu pantailara, ukitu propioa emanda. Era berean, Hokusai eta Hiroshige pintoreen lanek ere eragin nabarmena izan dute Isle of Dogs egiteko orduan.

Nolanahi ere, horiek ez dira Andersonek filmean erabili dituen erreferentzia bakarrak, Stanley Kubrick eta Andrei Tarkovskiren lanen arrastoa ere ikusten ahal baita.

Megasakiko herrian txakur gripearen izurritea zabaldu da. Horren ondorioz, agintariek txakur guztiak irla batera eramatea erabakiko dute. Hortik aurrera, txakurrak bakartuta biziko dira.

Atari gaztetxoa, berriz, ez dago prest Spots bere lagun fidela galtzeko. Horregatik, irlara abiatuko da, haren bila. Bertara ailegatzean, espero ez zuen errealitate bat aurkituko du, eta herria arriskuan jartzen duen plan bat ezagutuko du. Bost txakurraren laguntza izango du mehatxuari aurre egiteko.

'ISLE OF DOGS'

Zuzendaria. Wes Anderson.

Herrialdea. AEB.

Urtea. 2018.

Iraupena. 101 minutu.

Generoa. Animazioa.

Ostiralean estreinatuko dute Hego Euskal Herrian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Alarma egoera luzatzea onartu du Espainiako Kongresuak

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna