Donostiako 66. Zinemaldia. Sail Ofiziala

Etsipenaren espaziontzian

'High Life' zientzia fikziozko lana aurkeztu du Claire Denisek Sail Ofizialeko lehian. Zigorra kartzelan betearazi ordez akuri gisa espaziora bidaltzen duten preso talde baten istorioa sortu du
Robert Pattinson, Mia Goth, Juliette Binoche, Agata Buzek eta Claire Denis, atzo, Donostian.
Robert Pattinson, Mia Goth, Juliette Binoche, Agata Buzek eta Claire Denis, atzo, Donostian. JUAN CARLOS RUIZ / FOKU Tamaina handiagoan ikusi

Ainhoa Sarasola -

2018ko irailak 28

Zientzia fikziozko film bat ikusi ahal izan zen atzo Sail Ofizialeko lehiaren barruan. Claire Denis zinemagileak High Life aurkeztu zuen, Juliette Binoche eta Robert Pattinson aktoreak protagonista dituen lana. Espazio urrunean girotu du zuzendari frantsesak kontakizuna, eta espaziontzi batean preso dauden hainbat pertsonaren arteko harremanak jarri ditu erdigunean. Aktore taldeak lagunduta egin zuen emanaldiaren osteko agerraldia Denisek.

Espetxe zigor luzeak edo heriotza zigorrak dituzten hainbat pertsona dira filmeko protagonistak. Esperimentu batean parte hartuko dute, eta, zigorrak espetxean bete beharrean, espaziontzi batean urrutira bidaliko dituzte, zulo beltz baten bila. Susmoa dute ez direla itzuliko, eta giro hertsi horretan iraungo dute. Harik eta pertsonaietako bat besterik ez den bizirik geratuko. Hilabete gutxiko haur baten kargu.

Denisek azaldu zuenez, aspalditik zuen buruan filmaren muina. «Gizon bat irudikatzen nuen, espazioan bakarrik zegoena, Lurretik oso urrun, eguzki sistematik at, itzultzeko inolako itxaropenik gabe. Bere inguruan denak hilda zeuden, eta bera bakarrik zegoen, haur txiki batekin. Ezin zen hil, ezin zuelako neskatxoa bakarrik utzi; erantzukizun hori du, nahiz eta ordura arte inolako ardurarik ez izan».

Filma prestatzeko, astrofisikariekin eta beste hainbat aditurekin egon zen taldea, Denisek hala eskatuta, baina, hala ere, zuzendariak aitortu zuen ez dela erraza izan hainbat gauza azaltzea. Zientzia fikziozko bere erreferentzien artean, berriz, Andrei Tarkovskiren Solaris filma aipatu zuen, eta gaineratu bat datorrela generoaz zinemagile errusiarrak zuen ikuspegiarekin. «Zientzia fikzioa zerbait lurtarra dela erakutsi zuen, soilik gizon-emakumeek irudika eta sor dezaketen zerbait. Ez dugu munstroen, alien-en edo estralurtarren beharrik; niri ez zaizkit interesatzen».

Indarkeria eta sexu eszenen inguruan galdetuta, oinazea pertsonaiek ezinbestean bizi duten egoera dela esan zuen. «Preso daude, ez dute etorkizunik, eta sufritzen ari dira. Baina, aldi berean, talde ausarta osatzen dute, eta giza harremanak dituzte oraindik. Elkartasuna ere badago, baita txera ere». Sexu hitzaren ordez desira erabiliko lukeela gehitu zuen.

Aktoreei, askatasuna

Pattinsonek bete du haurrarekin bakarrik geratzen den gizonaren rola, baina, adierazi zuenez, bere pertsonaia ez du etsipenean murgildutako norbait bezala irudikatu. «Nire ustez, ez dago hain etsituta; iruditzen zait ez duela plan bat, ez dakiela zer egin; egoera bitxian dago, norabiderik gabe, eta hori interesatu zait». Adierazi zuen esperientzia ederra izan dela haur batekin lan egitea. «Platoan animalia basati bat izatea bezalakoa zen; inspirazio eta ezusteko iturri etengabe bat izan zen».

Hark bezala, Denisek aktoreei eman dien askatasuna azpimarratu zuen Binochek. «Erronka bat izan da, ez baikenekien berak nora eramango gintuen. Askatasun hori hor dago; ikusezina den zerbaitek zu hunkitzea nahi izaten du Clairek, ikusgarria den hori zaintzen ari bada ere. Eta sentitzen eta pentsatzen duena esaten dizu, ez du gezurrik esaten».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna