Albistea entzun

'Obabakoak' antzezlana euskaraz emango du Arriagak Stuttgarten

Calixto Bieito zuzendariak eta Bernardo Atxagak solasaldi bat izango dute larunbatean. Obra alemanezko azpidatziekin taularatuko dute
<em>Obabakoak</em> antzezlanaren entsegu bat, 2017ko irailean.
Obabakoak antzezlanaren entsegu bat, 2017ko irailean. ARITZ LOIOLA / FOKU Tamaina handiagoan ikusi

Erredakzioa -

2019ko ekainak 25

Orain dela bi urte estreinatu zuen Bilboko Arriaga antzokiak Obabakoak antzezlana, eta, orduz geroztik, Euskal Herrian ez ezik, Madrilen eta Bartzelona ere taularatu du Calixto Bieitok zuzendutako obra. Asteburuan, baina, beste jauzi bat eman, eta Stuttgarteko (Alemania) Antzoki Nazionalean oholtzaratuko dute. Euskaraz emango dute, alemanezko azpidatziekin. Emanaldia 19:30ean hasiko da, baina horren aurretik, 18:00etan, Bieitok eta Bernardo Atxaga Obabakoak liburuaren egileak parte hartuko dute mahai inguru batean. Bertan, eleberriarekin eta antzerkirako egokitzapenarekin erlazionatutako hainbat alderditan sakonduko dute.

2017-2018 denboraldian Obabakoak izan zen Arriaga antzokiaren ekoizpen garrantzitsuena, eta 2017ko urrian estreinatu zuten euskaraz. Gero, azaroan, gaztelaniazko bertsioa taularatu zuten.

Talde artistikoari dagokionez, aktore multzo zabala du Obabakoak-ek: Joseba Apaolaza, Ylenia Baglietto, Ainhoa Etxebarria, Miren Gaztañaga, Iñake Irastorza, Idoia Merodio, Karmele Larrinaga, Itziar Lazkano, Koldo Olabarri, Lander Otaola eta Eneko Sagardoi. Eszenografiaz Susanne Gschwender arduratu da, Sarah Derendingerrek proiekzioak egin ditu, Michael Bauerrek argiztapenaren diseinua, eta musika eta ahots moldaketak Carlos Imazenak dira.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nelly Arcan idazle quebectarra (1973-2009). ©ADAM BILINSKI

Luxuaren azpietatik

Itziar Ugarte Irizar

Literatura ikasketak egin artean luxuzko 'scort' lanetan aritu zen Nelly Arcan idazlea, eta garai hartan ikusitakoak garratz aletu zituen 'Puta' bere lehen eleberrian. Euskarara ekarri berri dute.
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
 ©NEVER FOR EVER

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...